هەڵەی وەفدی حکومەتی هەرێم

هەڵەی وەفدی حکومەتی هەرێم بۆ بودجەو کۆبونەوەی حیزبی.. وەفدی هەرێم، هەڵەیان کرد… زیانەکەش بۆ خەڵکی کوردستانەو هەوڵدان بۆ دروستکردنی پشتیوانی حیزبی لە حکومەتی هەرێم، هیچ پێشکەش بە خەڵک ناکات و هیچ لە واقع ناگۆڕێت.

یەک: دەبوو ئەم لیژنە پێش گفتوگۆکردن لەگەڵ وەزارەتە پەیوەندیدارەکانی بەغداو خستنەڕووی خواستی هەرێمی کوردستان؛ زۆرترین ڕاوێژیان کردبا بەتایبەت لەگەڵ فراکسیۆن و لیژنە پەیوەندیدارەکانی پەرلەمانی عێراق.
کە تۆ گفتوگۆت کردوە، وەڵامەکانی بەغدا باش نین، ئەوجا دێی: بۆ دروستکردنی پشتیوانی بۆ خۆت سەردانی حیزب دەکەیت و شەرحیان بۆ دەکەیت!

دوو: داواکردن و پێداگیری ڕەقەمی هەڵەیە، چۆن؟
ئەم دۆخە بەردەوام بێت، داهاتی ساڵی ئایندەی عێراق ناگاتە (٧٠ ترلیۆن) دینار، کە ڕاستەوخۆ داوای (٢٩ ترلیۆن) دینار دەکەیت بۆ هەرێم، دەترسن و ڕەتی دەکەنەوە… دەڵێن: تۆ بەچەند بەشداری!!

ئەی چیبکەین؟
لۆژیکی هاوڵاتی بوون..
دەبێت لە بری شەڕی ژمارە پێداگیری لەسەر شایستەیی بکەین، فەرمانبەرو پلە بەرزکردنەوەو خانەنشین و گرێبەست و دامەزراندن و بەنزین و نەوتی و خاوەن پێداویستی تایبەت و بەشەخۆراک و دەرمان و پرۆژە ……. هتد، لە هەرێمی کوردستان وەک شارەکانی دیکەی عێراق.

کۆی نەوتی هەرێم عێراق بیفرۆشێت، داهاتی ناوخۆی هەرێم بەپێی یاسای "ئیدارەی مالی” مامەڵەی لەگەڵ بکرێت.

سێ: ئێمە وەک هەڵوێست حزبیانە مامەڵە لەگەڵ ئەم دۆسیە ناکەین، فراکسیۆنەکەمان پرۆژەیەکی نیشتیمانی حازرکردوە لە چوارچێوەی مافی هاوڵاتی بوون، بەم نەفەسە لە پەرلەمان کاردەکەین و ئەگەر وەفدی هەرێم جدین دەتوانین لە پێناوی خەڵک هاوکاربین و وەفدەکە سەردانی بەغدا بکەن و لەگەڵ پەرلەمانتارانی ئێمەش کۆببنەوە.

ئەوەش بزانن ئەم بودجە "البرامج والأداء" ە… لەم چوارچێوەدا هەرێم جێگا بکەینەوە.

PM:02:12:14/09/2026

ئه‌م بابه‌ته 224 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی