لە ئێرانی شۆڕشەوە بۆ ئێرانی دەوڵەت

یەکێک لەو دەستکەوتانەی ئەم جەنگەی ئەمریکا_ئیسرائیل بۆ ئێران ، گواستنەوەی ئێرانیەکانە لە دۆخی شۆرشەوە بۆ دۆخی دەوڵەت . 
مەگەر فەرەنسیەکان هێندەی ئێرانیەکان کەیفیان بە خۆپیشاندان و شۆڕش هاتبێت . 

- لەگەڵ بەنی عەباسدا شۆرشیان بەسەر ئەمەوییەکاندا کرد .

- لەناو عەباسیەکاندا شۆڕشەکانی شعوبی ، زنجی ، حەشاشیەکان - هەروەها  سەفەوی ،  تەنباک ، تا ١٩٧٩ دژە شاه 
چل و حەوت ساڵە کۆماری ئیسلامی ، کۆماری شۆرشێکی بەردەوامە . نەوەی یەکەم  بە کەسی خومەینی ، خامەنەئی ، رەفسنجانی ،  بەرپاکەرانی شۆرش و نەوەی دووەم سەرسەختر لەنەوەی یەکەم  بە پارێزەرانی  شۆرش دەناسران .

هەر لەناو ئەو دوو جەمسەرەی شۆرشدا ، نەوەیەکی ئیداری لە حکومەت و سوپا و بەسیجدا کە لەپاش هەلگیرسانی شۆڕش و جەنگی عێراق - ئێران لەدایکبوون لەهەوڵدان  چیدی  وڵاتەکە لە دۆخی شۆڕشەوە بگۆڕن بۆ دۆخی دەوڵەت ، بەڵام لەحەزرەت نەوەکانی پێشوو ئەو هەنگاوەیان بۆ نەدەنرا . 

کوژران و فەوتبوونی سەرکردە باڵاکان ، ڕێگەخۆشکەری ئەو نەوەیەن کە بەلایانەوە شەرعیەتی سیاسی  لەبری شۆڕش دەبێت لە دەوڵەتەوە بێت . 

هەڵبەتە ئەمانیش لەو توخمە نەرم و ملکەچە نین کە خۆرئاوا چۆنی بوێت وەهابن . پێچەوانەی  تێگەیشتنی ئەمریکیەکان کە پێیان وابوو سازشکار دەبن ، ئەم نەوەیان راستە بێخەمن لە چارونووسی شۆرش تا حەدی داخستن و کۆتایی پێهێنانی ، بەڵام سەلماندیان لە شۆڕشگێرەکان جەنگاوەرترن بۆ بە دەوڵەت کردنی وڵاتەکەیان لە ناوچەکە و جیهاندا.

PM:10:36:19/06/2026

ئه‌م بابه‌ته 108 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی