12 خێمەی ئاوارەکانی شنگال لە زاخۆ سوتان
کەمپی چەمشکۆی تایبەت بەئاوارەکانی شنگال لە قەزای زاخۆ
وێستگەنیوز- رەڤەند گوھەرزی
ئێوارەی ئه‌مڕۆ هه‌ینی 22ی كانوونی دووه‌می 2020، ئاگر لە کەمپی چەمشکۆی تایبەت بەئاوارەکانی شنگال لە قەزای زاخۆ کەوتەوە و بەوھۆیەوە 12 خێمە سوتان.
بێوار عەبدلعەزیز، بەرپرسی راگەیاندنی بەرگری شارستانی لە پارێزگای دھۆک بە وێستگەنیوزی راگەیاند:" ئێوارەی ئەمڕۆ ئاگادارکراین لەسەر رووداوێکی ئاگرکەوتنەوە لە کەمپی چەمشکۆی ئاوارەکانی شنگال لە قەزای زاخۆ".
وتیشی:" تیمەکانمان لە ماوەیەکی کەمدا گەیشتنە ناو کەمپەکە و توانیویانە ئاگرەکە کونترۆڵبکەن".
لە سەرەتایی ئەم ساڵەوە سێجار ئاگر لە کەمپی چەمشکۆی ئاوارەکانی شنگال لە قەزای زاخۆ سەر بە پارێزگای دھۆک کەوتووەتەوە و بەوھۆیەوە زیاتر لە 20 خێمە سوتاون و زیانی زۆری ماددیش بە ئاوارەکانی ناو کەمپەکە کەوتووە.
بێوار ئاماژە بەوەشکرد:" لە ئەنجامی ئەو رووداوە کە ھۆکارەکەی تا ئێستا دیارنیە 12 خێمەی ئاوارەکانی شنگال سوتان و ھیچ زیانێکی گیانی نەبووە".
PM:05:37:22/01/2021
ئه‌م بابه‌ته 1088
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت