شارەوانی هەڵەبجە: كاریگەری سوتانی شارەوانی بۆ چەندین ساڵ دەمێنێتەوە
وێستگە نیوز - كامەران كەریم
سەرۆكی شارەوانی هەڵەبجە ئاشكرایكرد، بەهۆی خۆپیشاندانەكانەوە دۆسیەی 35 ساڵ سوتێنراوە و كاریگەری ئەوەش تاكو چەندین ساڵی دیكە دەمێنێتەوە.
كوێستان ئەكرەم سەرۆكی شارەوانی هەڵەبجە بەوێستگە نیوزی ڕاگەیاند، بەهۆی خۆپیشاندانی مانگی ئابی ساڵی رابردوو كە خۆپیشاندەران پەلاماری بینای شارەوانیان داوە و سوتاندیان، زۆربەی بیناكە زیانی بەركەوت بەتایبەت بەشەكانی هونەری و ڕووپێوی و كۆگاكان بەتەواوەتی سوتێنرا، ئەوانیش بەهۆی نەبوونی بودجەی پێویست نەیانتوانیوە دۆسیەكان لە داتابەیس تۆمار بكەن و بەشێوەی فایلات ماوەتەوە.
ناوبراو ئاماژەی بەوەكردووە، نزیكەی 3000 دۆسیە بەسەرجەم بەشەكان سوتێنرا و زیانێكی زۆریش بەر بیناكە كەوتووە، نزیكەی 85 ملیۆن دیناریان بۆ خەرج كراوە ئەوەی پێویستە كڕیویانە ئەوەی دیكەش كاری نۆژەنكردنەوەیە و دوو ڕۆژە كاردەكرێت، هاوڵاتیانیشیان ئاگادار كردۆتەوە بۆ ماوەی 20 ڕۆژ ئیشوكاری شارەوانی ڕادەگیرێت و كاری نۆژەنكردنەوەی بیناكە دەكرێت.
كوێستان ئەكرەم روونیكردەوە، لەو 3000 دۆسیەی سوتێنراوە بەشێكیان هی ساڵی 1988 واتە دۆسیەی 35 ساڵ سوتێنراوە، كاریگەری ئەم سوتانەش تا چەندین ساڵ دەمێنێتەوە و باجەكەی دەدەن ، ئەگەر پێش سوتانی شارەوانی مامەڵەی هاوڵاتیەك بە هەفتەیەك تەواو بووبێت، ئێستا بە نزیكەی 2 مانگیش تەواو نابێت.
PM:07:44:16/01/2021
ئهم بابهته 1608
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت