به‌غدا.. ته‌قه‌ له‌ دوو چالاكوان كرا و یه‌كێكیان به‌ برینداری گه‌یه‌ندرایه‌ نه‌خۆشخانه‌

‌ئه‌كه‌رەم عه‌زاب

وێستگه‌ نیوزـ

له‌ شاری به‌غدا دوو چالاكوانی مه‌ده‌نی به‌ر گولـله‌دران و یه‌كێكیان به‌ برینێكی سه‌خته‌وه‌ گه‌یه‌ندرایه‌ نه‌خۆشخانه‌.

له‌ تۆڕه‌ كۆمه‌ڵایه‌تییه‌كانی عیراق گرته‌یه‌كی ڤیدیۆیی بڵاوكرایه‌وه‌ كه‌ تییدا ئه‌كه‌رەم عه‌زاب، چالاكوانی مه‌ده‌نیی به‌غدا برینداره‌ و هاوڕێكانی به‌ هانایه‌وه‌ چوون.

سه‌رچاوه‌ ئه‌منییه‌كانی وتویانه‌ كه‌ له‌لایه‌ن چه‌ند چه‌كدارێكی نه‌ناسراوه‌وه‌ له‌ ناوچه‌ی تالیبه‌ی به‌غدا ته‌قه‌ دوو چالاكوان كراوه‌ كه‌ یه‌كێكیان ناوی كره‌م عه‌زاب-ه‌ و یه‌كێك بووه‌ له‌ چالاكوانه‌ دیاره‌كانی خۆپیشاندانه‌كانی مانگی تشرینی یه‌كه‌می 2019.

دوای روداوه‌كه‌ش به‌ فه‌رمانی مسته‌فا كازمی، سه‌رۆك وه‌زیرانی عیراق هێزێكی سه‌ربازی ره‌وانه‌ی نه‌خۆشخانه‌ كراوه‌ بۆ پاراستنی گیانی ئه‌و چالاكوانه‌ و هاوڕێكانی.



PM:10:38:25/11/2020


ئه‌م بابه‌ته 2172 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت