بەهۆی تەقینەوەی مین لەسۆران هاوڵاتییەک گیانی لەدەستدا


وێستگەنیوز-

دوای دیارنەمانی بۆ ماوەی چەند کاتژمێرێک و ئاگادار کردنەوەی هێزە ئەمنییەکان، ئێوارەی ئەمڕۆ تەرمی هاوڵاتییەکی تەمەن (٤٥ بۆ ٤۷) ساڵ لە  لەبناری هەڵگورد ـ چیایی بەردەقوچان لەسنوری سۆران دۆزرایەوە.

بەڕێوەبەرایەتی بەرگری شارستانی سۆران لە راگەیەنراوێکدا کە وێنەیەکی بۆ وێستگەنیوز نێردراوە باس لەوەکراوە، کاتژمێر ۲۰:۰۰ـی ئەمشەو ئاگادارکران کە هاولاتیەک بەناوی (ن.س.م.ح) کە تەمەنی لەنێوان  (٤٥ـ٤۷) ساڵدایە و خەڵکی قەزای چۆمانە، لە کاتژمێر ۱۲:۰۰ ی نیوەڕۆ لە ماڵ دەرچوە و مۆبایلی داخراوە و دیارنیە.

ئەوەش هاتوە، پاش دەرچونی تیمەکانیان لە هەردوو بنکەکانی بەرگری شارستانی حاجی ئومەران و بەرگری شارستانی چۆمان ، توانیان لە کاتژمێر ۲۲:۳۰ شەو شوێنی تەرمی ناوبراو بدۆزنەوە کە لەبناری هەڵگورد ـ چیایی بەردەقوچان و لەئەنجامی تەقینەوەی مینێک گیانی لەدەستداوە.

بەڕێوەبەرایەتی بەرگری شارستانی سۆران ئەوەشی خستوەتەڕو، تەرمی ناوبراو گوازراوەتەوە بۆ نەخوشخانەی چۆمان بۆ دەست هینانی راپۆرتی توێکاری.


PM:11:57:23/11/2020


ئه‌م بابه‌ته 2424 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو