دادگای سلێمانی: هێرشبەرانی سەر خاوەن چێشتخانەکە دەستگیر کراون
وێستگه نیوزـ
سه‌رۆكایه‌تیی دادگای تێهەڵچونەوەی ناوچەی سلێمانی جه‌ختده‌كاته‌وه كه سزای توندی ئه‌و كه‌سانه ده‌ده‌ن كه بیانه‌وێت ئارامیی شار تێكبده‌ن و دڵه‌ڕاوكێ بڵاوبكه‌نه‌وه، ئاشكراشیكرد كه هێرشبه‌ره‌كانی سه‌ر خاوه‌ن چێشتخانه‌كه‌ی دوێنێی سلێمانی ده‌ستگیر كراون.
سەرۆكایەتی دادگای تێهەڵچونەوەی ناوچەی سلێمانی لە راگەیەنراوێكیدا ده‌ڵێت: پاش ئەوەی دوێنێ چەند كەسێك هەڵئەكوتنە سەر چێشتخانەیەكی شاری سلێمانی و ئازاری خاوەنەكەی دەدەن (كە ڤیدیۆی كاتی رووداوەكە لەتۆڕەكۆمەڵایەتییەكان بڵاوبووەوە)، لەسەر سكاڵای خاوەنی چێشتخانەكەو بە فەرمانی دادوەری لێكۆڵینەوە هەموو ئەو كەسانە دەستگیركراون و ئێستا راگیراون و لێكۆڵینەوە لەگەڵیاندا بەردەوامە.
دەشڵێت: سەرجەم هاوڵاتیان دڵنیا دەكەینەوە كە دادگاكان بەپێی یاسا توندترین رێكاری یاسایی بەرامبەر هەركەسێك دەگرنە بەر كە بیەوێت ئارامی شار تێكبدات و دڵەڕاوكێ بڵاوبكاتەوە و تاوان ئەنجام بدات و بەهیچ جۆرێك چاوپۆشی لە هیچ كەسێك ناكرێت.
دوێنێ دووشه‌ممه هێزێكی چەكدار چونه سەر خاوه‌نی
چێشتخانه‌ی كامه‌ران له گه‌ڕه‌كی عه‌قاری له شاری سلێمانی و لەناو چێشتخانەكەیدا و لێیان دا و سوكایه‌تییان پێكرد، پۆلیسی سلێمانیش رایگه‌یاند كه هێرشبه‌ره‌كان ده‌ستگیر كراون.
PM:04:42:23/11/2020
ئه‌م بابه‌ته 3888
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت