پەرلەمانی عێراق یەکلاکردنەوەی بازنەکانی هەڵبژاردنی لە کەرکوک و نەینەوا دواخست
کۆبوونەوەی پەرلەمانی عێراق - ئەرشیف
وێستگەنیوز-
سەرۆکایەتی پەرلەمانی عێراق بەهۆی نەگەیشتنە رێککەوتنی پێکهاتەکانی کەرکوک و نەینەوا لەسەر شێوازی دابەشکردنی بازنەکانی هەڵبژاردن، یەکلاییکردنەوەی ئەو پرسەی بۆ کاتێکی نادیار دواخست.
راگەیاندنی پەرلەمانی عێراق بڵاویکردەوە، سەرۆکایەتی پەرلەمانی عێراق کۆبوونەوەکەی کاتژمێر 6:00ی ئێوارەی ئەمڕۆی بۆ کاتێکی دیکە دواخست.
رۆژی شەممە پەرلەمانی عێراق دەنگی لەسەر تەواوکردنی یاسای هەڵبژاردنەکاندا و بازنەکانی هەڵبژاردنی لە 16 پارێزگا یەکلاییکردەوە، بەڵام یەکلاییکردنەوەی بازنەکانی هەڵبژاردنی کەرکوک و نەینەوای بۆ رۆژی دوشەممە دواخست بەمەبەستی دروستکردنی کۆدەنگی سیاسی لەنێوان پێکهاتەکانی هەردو پارێزگاکەدا.
بازنەکانی هەڵبژاردن لە پارێزگاکانی هەرێم بەم شێوەیە دابەشکراون:
پارێزگای هەولێر
سنوری پارێزگای هەولێر کە 15 کورسی لە پەرلەمان هەیە بەم شێوەیە بەسەر چوار بازنەدا دابەشکراوە:
قەزاکانی سۆران، مێرگەسۆر، رواندز، چۆمان و شەقڵاوە یەک بازنە هەڵبژاردنن و چوار نوێنەریان دەچێتە پەرلەمان
قەزاکانی دەشتی هەولێر، کۆیە و خەبات یەک بازنە هەڵبژاردنن و چوار نوێنەریان دەچێتە پەرلەمان
بەشی رۆژهەڵاتی شاری هەولێر یەک بازنەی هەڵبژاردن دەبێت و دوو نوێنەری دەچێتە پەرلەمانی عێراق.
بەشی رۆژئاوای شاری هەولێر یەک بازنەی هەڵبژاردن دەبێت و دوو نوێنەری دەچێتە پەرلەمانی عێراق.
پارێزگای سلێمانی
پارێزگای سلێمانی کە 18 کورسی لە پەرلەمان هەیە بەم شێوەیە بەسەر پێنج بازنەدا دابەشکراوە:
باکوری قەزای سلێمانی، شارباژێر و ماوەت یەک بازنەی هەڵبژاردنن و چوار نوێنەریان دەچێتە پەرلەمان
باشوری قەزای سلێمانی و قەرەداغ یەک بازنەی هەڵبژاردنن و سێ نوێنەریان دەچێتە پەرلەمان
هەڵەبجە، سەیدسادق، شارەزو و پێنجوێن یەک بازنەی هەڵبژاردنن و سێ نوێنەریان دەچێتە پەرلەمان
قەڵادزێ، رانیە و دوکان یەک بازنەی هەڵبژاردنن و چوار نوێنەریان دەچێتە پەرلەمان
کەلار، کفری، چەمچەماڵ و دەربەندیخان یەک بازنەی هەڵبژاردنن و چوار نوێنەریان دەچێتە پەرلەمان
پارێزگای دهۆک
پارێزگای دهۆک کە 11 کورسی هەیە لەپەرلەمان و بەم شێوەیە بەسەر سێ بازنەدا دابەشکراون:
قەزای دهۆک و ئامێدی یەک بازنەی هەڵبژاردنن و چوار نوێنەریان دەچێتە پەرلەمانی عێراق
قەزاکانی زاخۆ و سێمێل یەک بازنەی هەڵبژاردنن و سێ نوێنەریان دەچێتە پەرلەمانی عێراق
قەزاکانی ئاکرێ، شێخان و بەردەڕەش یەک بازنەی هەڵبژاردنن و چوار نوێنەریان دەچێتە پەرلەمانی عێراق
AM:12:06:27/10/2020
ئهم بابهته 2788
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت