19 تووشی کۆرۆنا لە رۆژئاوای کوردستان تۆمارکران
وێستگەنیوز- رەڤەند گوھەرزی
ھاوسەرۆکی دەستەی تەندروستی لە باکور و خۆرھەڵاتی سوریا رایگەیاند، لە رۆژئاوای کوردستان 19 تووشبووی کۆرۆنا تۆمارکران کە سێ لەو حاڵەتانە کارمەندی تەندروستین و کۆی گشتی توشبوانیش گەیشتە 138 حالەت.
د. جوان مستەف، ھاوسەرۆکی دەستەی تەندروستی لە باکور و خۆرھەڵاتی سوریا راگەیاند:" ئەمڕۆ سێشەممە 19 حاڵەتی نوێی تووشبوون بە ڤایرۆسی کۆرۆنا لە باکور و خۆرھەڵاتی سوریا تۆمارکران".
وتیشی:" چوار حاڵەت لە حەسەکە و نۆ حاڵەتیش لە قامیشلۆ تۆمارکراون کە سێ لەو حاڵەتانە کارمەندی تەندروستین و یەکێکیان لە تل حەمیس و پێنج حاڵەتیش لە شەھبا تۆمارکراون".
ئاماژە بەوەشکرد:" حاڵەتێکی گیان لە دەستدان لە جەزیرە تۆمارکرا و کۆی گشتی تووشبوانی کۆرۆنا لە باکور و خۆرھەڵاتی سوریا گەیشتە 138 حاڵەت ".
AM:11:36:11/08/2020
ئهم بابهته 456
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت