رۆژئاوای کوردستان دەبێتە خاوەن یەک سیستەمی هاتووچۆ و گواستنەوە
وێستگەنیوز-
دەستەی ئیدارەی ناوخۆ و ژینگە لە باکور و رۆژهەڵاتی سوریا رایگەیاند، ئەمڕۆ سەرجەم بەڕێوەبەرانی گواستنەوە لە شار و شارۆچکەکانی رۆژئاوای کوردستان کۆبوونەتەوە و کۆتاییان هێناوە بە دواین رەشنوس بۆ دروستکردنی یەک سیستەمی هاتووچۆ و گواستنەوە لە هەرێمەکەدا.
دەستەی ئیدارەی ناوخۆ و ژینگە لە باکور و رۆژهەڵاتی سوریا لە راگەیەنراوێکدا رایگەیاند، یاساکە ئاسانکاری بۆ شێوازی گواستنەوە لەناوچەکانی ژێردەسەڵاتی ئیدارەی خۆسەری دەکات و میکانیزمی کارکردنی بەڕێوەبەرایەتی گواستنەوەی شارەکانیشی دیاریکردوە.
ئەوەش هاتوە، بەڕێوەبەرایەتی گشتی گواستنەوە سەرپەرشتی بەڕێوەبەرایەتی گواستنەوەی شارەکان دەکات و لەلایەن ئەنجومەنی جێبەجێکردنی ئیدارەی باکور و رۆژهەڵاتی سوریا بەڕێوەدەبردرێن.
PM:11:53:06/07/2020
ئهم بابهته 2048
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت