جڤاتی نیشتیمانی، جڤاتی گشتی و باژێڕوانەکانی بزوتنەوەی گۆڕان کۆدەبنەوە
وێستگەنیوز-
ئەندامێکی خانەی راپەڕاندنی بزوتنەوەی گۆڕان رایگەیاند، بەمەبەستی تاوتوێکردنی دواین گۆڕانکاریە سیاسییەکان و دۆخی بژێوی و تەندروستی هاوڵاتیان، ئەم هەفتەیە هەریەکە لە جڤاتی نیشتیمانی، جڤاتی گشتی و باژێڕوانەکانی بزوتنەوەی گۆڕان کۆدەبنەوە.
لە لێدوانێکدا بۆ میدیای فەرمی حزبەکەی شەماڵ عەبدولوەفا، سکرتێری کاروباری باژێرەکان و ئەندامی خانەی راپەڕاندن رایگەیاند، بڕیارە سبەینێ جڤاتی گشتی بزوتنەوەی گۆڕان لە مەکۆی سەرەکی کۆببێتەوە و رۆژی چوارشەممەش باژێروانەکان و رۆژی پێنجشەممەش کۆبونەوەی جڤاتی نیشتیمانی بەڕێوەدەچێت.
لەبارەی ئامانجی کۆبوونەوەکانیش ئاماژەی بەوەکرد، "لە کۆبونەوەکاندا بژێوی خەڵک و دۆخی تەندروستی و دۆزینەوەی دەرچەیەک بۆ دەربازکردنی هەرێمی کوردستان لەو قەیرانانەی تێیکەوتووە و ئەنجامی کۆبونەوەی بزوتنەوەی گۆڕان و لایەنە سیاسیەکان و پرسی چاکسازی گفتوگۆیان لەسەردەکرێت".
ئەندامەکەی خانەی ڕاپەڕاندن ئەوەشی خستوەتەڕو، بڕیارە لە کۆبونەوەکاندا، چەند پرسێکی ناوخۆیی و بەتایبەت بەستنی کۆنفڕانسی نیشتیمانی تاوتوێبکرێن.
PM:10:34:05/07/2020
ئهم بابهته 1596
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت