ئەمڕۆ مووچه‌ی ئه‌م شوێنانه دابه‌ش ده‌كرێت
وێستگه نیوز ـ
وەزارەتی دارایی رایگەیاند، ئەمڕۆ و سبەینێ مووچەی مانگی شوباتی وەزارەتی شەهیدان، بەشی کەسوکاری شەهیدانی سەنگەر و ئەنجومەنی ئاسایش دابەشدەکرێت.
وەزارەتی دارایی حکومەتی هەرێم لە راگەیەندراوێکدا ئاماژەی بەوەکرد، ئەمڕۆ یەکشەممە 5ی ته‌مموزی 2020 و سبەی دووشەممە 6ی ته‌مموزی 2020، مووچەی وەزارەتی شەهیدان، بەشی کەسوکاری شەهیدانی سەنگەر و ئەنجومەنی ئاسایش دابەشدەکرێت.
ئه‌وه‌ش هاتووه: رۆژی سێشەممە 7ی ته‌مموز، وەزارەتی شەهیدان / شەهیدانی
هاووڵاتی/ زیندانی سیاسی کەشایستەیان ماوە، دەزگای گشتی ئاسایش خەرج
دەکرێت.
هه‌ر به‌پێی خشته‌كه‌ی وه‌زاره‌تی دارایی، رۆژی چوارشەممە 8ی ته‌مموز،
مووچه‌ی وەزارەتی پەروەردە له دەرەوەی شار خەرج دەکرێت، هه‌روه‌ك رۆژی
پێنجشەممە 9ی ته‌مموز مووچەی وەزارەتی پەروەردە له ناوشار خەرج دەکرێت.
دابەشکردنی مووچە لەکاتێکدایە، رۆژی 21ی مانگی رابردوو، حکومەتی هەرێم چەند بڕیارێکی نوێی بۆ کەمکردنەوەی مووچە و دەرماڵەی فەرمانبەران دەرکرد و بەپێی بڕیارەکان بە رێژەی 21٪ مووچەی فەرمانبەران و مووچەخۆرانی هەرێم کەمکرایەوە.
نزیکەی 60 رۆژە مووچە دابەشنەکراوە، سەرباری ئەوەی بەغدا لە مانگی رابردوودا بڕی 400 ملیار دیناری رەوانەی هەرێم کرد، دواتر حکومەتی هەرێم رایگەیاند، بۆ دابەشکردنی مووچەی مانگی یەک قەرزی لە کۆمپانیاکان کردووە و بڕێکی زۆری پارەکەی بەغدای بۆ دانەوەی ئەو قەرزانە تەرخان کردووە، بەو هۆیەوە دابەشکردنی مووچە دواکەوتووە.
هــ. ر
AM:09:56:05/07/2020
ئه‌م بابه‌ته 5868
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت