سەبارەت بە وەرگرتنی باج، بڕیارێكی نوێ درا
ئاوات شێخ جەناب وەزیری دارایی
وێستگە نیوز-
وەزیری دارایی و ئابوری حكومەتی هەرێمی كوردستان بڕیاریداوە ماوەی قەدەغەی هاتوچۆ لەلایەن بەڕێوەبەرایەتیەكانی وەرگرتنی باجەوە هەژمار نەكرێت و باج لە هاوڵاتیان وەرنەگیرێت.
ئاوات شێخ جەناب وەزیری دارایی لەڕاگەیەندراوێكدا رایگەیاندووە، ماوەی دوو مانگ لە 11 ی ئازار هەتا 11 ی ئایار، لە كرێ و سودەكانی دواكەوتنی كرێچیەكانی موڵكەكانی وەزارەتی دارایی خۆش ببن بەهۆی ئەوەی ئەو ماوەیە نەیاتوانیوە موڵكەكان بەشێوەی ئاسایی بەكاربهێنن.
لە بڕیارەكەی وەزیری دارایدا ئاماژە بەوەدراوە "باجدەران ئەو ماوەیە لە باجدان و سودی دواكەوتنی دەبەخشرێن و ماوەی دانەوەی قیستەكانیش بۆ ماوەی دوو مانگ درێژ دەكرێتەوە، هەروەها بۆ كۆمپانیاكان و باجی خانووبەرەش پێویستە بەڕێوەبەرایەتیەكان رەچاوی ماوەی قەدەغەی هاتوچۆ بكەن كە بەهۆی ڤایرۆسی كۆرۆناوە نەیانتوانیوە بە ئاسایی كاربكەن".
PM:12:41:02/07/2020
ئهم بابهته 2704
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت