ئەو كەسانەی بەكۆرۆنا دەمرن لە چ كاتێكدا كەسوكاریان دەتوانن سەردانی گۆڕەكانیان بكەن؟

‌

تائێستا لەكوردستان چەند كەسێك بەهۆی ڤایرۆسی كۆرۆناوە گیانیان لەدەستداوە و پشكی شێریش بەر دانیشتوانی شاری سلێمانی كەوتووە، دوای گیان لەدەستدانی ئەو كەسانەش بەئامادەبوونی نوێنەری چەند لایەنێكی پەیوەندیدار و كەسی نزیكیان لەگۆڕستان نوێژی مردوویان لەسەر دەكرێت و لەمەراسیمێكی تایبەت بەخاك دەسپێردرێن.

سەبارەت بەوەی كەسوكاری ئەو كەسانە چەند رۆژ دوای گیانلەدەستدانیان دەتوانن سەردانیان بكەن لەگۆڕستان، عەبدوڵا ئەحمەد، جێگری بەڕێوەبەری گشتی تەندروستی سلێمانی بەوێستگە نیوزی راگەیاند، ئەو كەسانەی بەهۆی كۆرۆناوە گیان لەدەست دەدەن لەڕووی زانستییەوە كەسوكاری دەتوانن وەك هەر مردوویەكی ئاسایی دوای سێ رۆژ لەكۆچكردنیان سەردانیان بكەن، بەڵام دەبێت پێشتر لایەنی پەیوەندیدار ئاگادار بكەنەوە، چونكە ئەو كەسانە لەگۆڕستانە نوێیەی سلێمانی بەخاك سپێردراون و شوێنە دادەخرێت، لەكاتی سەردانیشیان زۆر لەگۆڕەكە نزیك نەبنەوە.