وێنەی پیرەمێردێكی خۆپارێز لەكۆرۆنا دەنگدانەوەی لێكەوتەوە
وێستگە نیوز-
وێنەی پیرەمێردێك كە دەیەوێت لەڤایرۆسی كۆرۆنا خۆی بپارێزێت لەتۆڕی كۆمەڵایەتی فەیسبووك كاردانەوەی لێكەوتۆتەوە و دەستخۆشی لێدەكرێت.
ئەو وێنەیە لەلایەن فۆتۆگرافەر ناسیح عەلی خەیات لەشاری سلێمانی گیراوە و تێدا دەركەوتووە پیرەمێردێك كە لەسەر مقەبایەكی بەكارتۆن دروستكراوە تەنها سفرەی سەفەری دەفرۆشێت، بەڵام پابەندی رێنماییە تەندروستییەكان بووە و دەمامك و دەستكێشی بەكارهێناوە بۆ خۆپارێزی لەكۆرۆنا.
لەو بارەیەوە توانا ئەمین، نووسەر و چیرۆكنوس لەفەیسبووكی خۆی وێنەی ئەو پیرەمێردەی داناوە و نووسیویەتی "هەموو سفرە سەفەرییەكانت بایی پارەی دەسكێش و ماسكەكەتە، كەچی خۆت پاراستووە... ئەمەی تۆ بەنەخوێنەواریی خۆتەوە كردوتە پێی دەڵێن ھۆشیاری، بەوەش گەنجێكی دەرچوی زانكۆ دەڵێ فشەیەو لەفەیسبوك جوێن بەقوربانیانی كۆرۆنا دەدات، دەوترێت نەوەیەكی عەنتیكە..
لەجیهاندا نەبووە خەڵك جوێن بەقوربانی و مردویەك بدات، كە لەبەدبەختی خۆی توشی كۆرۆنا بووە!
لەم هەفتەیەدا زۆرترین ژمارەی تووشبوان بەڤایرۆسی كۆرۆنا لەسنوری پارێزگای سلێمانی تۆماركرا و ئێستا پێنج نەخۆشخانە لەشاری سلێمانی بۆ تووشبوانی كۆرۆنا تەرخانكراون.
PM:09:13:04/06/2020
ئهم بابهته 4748
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت