مامۆستایان هه‌ڕه‌شه‌ی خۆپیشاندان ده‌كه‌ن
ئەرشیف
وێستگه نیوزـ
ئەنجومەنی مامۆستایانی ناڕازی پشتیوانی تەواوی خۆی بۆ خۆپیشاندەرانی شه‌وی رابردوی به‌شێك له كاسبكاران له شارۆچكه‌كانی سنوری سلێمانی راگه‌یاند.
ئەنجومەنی مامۆستایانی ناڕازی راگەیەندراوێکی بڵاوکردەوە و ده‌ڵێت: "داواکارین لەم ڕۆژانە تەواوی خەڵکی بڕژێنە سەرشەقامەکان و پەیامی توڕەیی وناڕەزایی بدەن بەگوێی ئەم دەسەڵاتە ستەمکار و بێ باکەد تا ناچاریانکەین بیرێک لەژیان وبژێوی خەڵک بەگشتی و موچەخۆرانی ڕاستەقینە بەتایبەت بکەنەوە و چیتر یاری بەژیان و چارەنوسی خەڵکی زەحمەتکێشی ئەم هەرێمەوە نەکەن."
لە کۆتایی راگەیەندراوەکەدا هاتووە، "وەك هەمیشە بەشدار و پشتیوانی هەموو جۆرە خۆپیشاندانیك و ناڕازەیەتیەك دەبین کە بۆ گێرانەوەی مافی خوراو شکۆی هاونیشتیمانیان بێت."
له دژی راگه‌یاندنی قەدەغەی هاتوچۆ له‌لایه‌ن حكومه‌تی هه‌رێمی كوردستانه‌وه، بەشێک لە هاوڵاتیان و کاسبکارانی دەربەندیخان و رانیە و قەڵادزێ گردبوونەوە و له سه‌یدسادقیش به‌ربه‌سته كۆنكرێتیییه‌كان لابران و خه‌ڵكی ناڕزایی ئه‌و ناوچه قایل نین به‌وه‌ی بژێویی ژیانیان رابگیرێت.
AM:08:40:02/06/2020
ئه‌م بابه‌ته 2580
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت