وه‌زاره‌تی روونكردنه‌وه‌یه‌كی له‌ باره‌ی خه‌رجكردنی پاره‌ بۆ هه‌ڵه‌بجه‌ بڵاوكرده‌وه‌

‌فۆتۆ: ئه‌رشیڤ

وێستگه‌ نیوز ـ
وه‌زاره‌تی دارایی و ئابووری حكومه‌تی هه‌رێمی كوردستان روونكردنه‌وه‌یه‌كی بڵاوكرده‌وه‌ و رایگه‌یاند، له‌ ئێستادا هیچ كه‌ره‌نتینه‌یه‌ك له‌ پارێزگای هه‌ڵه‌بجه‌ بوونی نییه‌، بۆیه‌ ته‌مویلكردنی پاره‌ش بۆ ئه‌و بواره‌ راگیراوه‌.

له‌ روونكردنه‌وه‌یه‌كدا وه‌زاره‌تی دارایی و ئابووری حكومه‌تی هه‌رێمی كوردستان ده‌ڵێت: "کاوە عه‌لی، جێگری پارێزگاری ھەڵەبجە، لێدوانی داوە گوایە وەزارەتی دارایی و ئابووری بودجەی رووبەرووبوونەوەی کۆرۆنا بۆ پارێزگای ھەڵەبجە خەرجناکات، بە پێویستمان زانی ئەم رونکردنەوەیە بدەین بۆ ئەوەی ھاوڵاتیانی ئازیزمان لە پارێزگای ھەڵەبجە لێی ئاگاداربن".

ده‌شڵێت: "لە ئێستادا کەرەنتینەکردن لە پارێزگای ھەڵەبجە نیە بۆیە تەمویل بۆ کەرەنتینەکردن وەستاوە".

ئه‌وه‌شی وتووه‌: "سەرباری داواکردنی چەند جارەی وەزارەتی ناوخۆ، تا ئێستا لیستی ناوی ئەو کەسانەی کەرەنتینەکراون لە پارێزگای ھەڵەبجە نەگەڕێنراونەتەوە بۆ وەزارەتی ناوخۆ پاشان بۆ وەزارەتی دارایی و ئابووری".

وه‌زاره‌تی دارایی و ئابووری ئه‌وه‌شی راگه‌یاندووه‌: لە وەزارەتی تەندروستیەوە سەرجەم پێویستی و خەرجیەکانی تایبەت بە چارەسەرکردن و خۆپارێزی لە ڤایرۆسی کۆرۆنا بۆ بەرێوەبەرایەتی گشتی تەندروستی ھەڵەبجە دابیندەکرێت.


PM:04:41:25/05/2020


ئه‌م بابه‌ته 9448 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو