تەندروستی جیهانی هۆشداری لەبەرزبوونەوەی ئامارەكانی تووشبوانی كۆرۆنا لە كوردستان دەدات
وێستگە نیوز- پشتیوان جەمال
بەرپرسێكی رێكخراوی تەندروستی جیهانی رایدەگەیەنێت، ئامارەكانی بەرزبوونەوەی ڤایرۆسی كۆرۆنا لە هەرێمی كوردستان راستن و خەڵك پابەندی رێنماییەكان نین و لەو بارەیەوە هۆشداری دەدات.
د. نەجمەدین حەسەن، بەرپرسی نووسینگەی سلێمانی رێكخراوی تەندروستی جیهانی بەوێستگە نیوزی راگەیاند: لە رۆژی 11ی ئایار تا ئێستا نزیكەی 60 حاڵەت تۆماركراوە ئەوەش ژمارەیەكی زۆرە و جێی مەترسییە، چونكە لە پڕ ژمارەكە زیادیكرد، بۆیە ئەگەر خەڵك بە ئاگا نەیەتەوە و پابەندی رێنماییەكان نەبن و خەڵك زۆر لەیەكەوە نزیك دەبنەوە، جگە لەوەش خەڵك بێمتمانەیی لەئامارەكان لا دروستبووە كە دەڵێن راست نییە ئەوەش جێی داخە.
سەبارەت بەوەی ئایا ئەو ئامارانە راستن؟ ناوبراو وتی: "بەدڵنیاییەوە ئەو ئامارانە راستن و حاڵەتەكان هەن و نەخۆشەكان لەنەخۆشخانەن لەبەرئەوە خەڵك پێویستە بەئەمانەتەوە داتاكان وەربگرن و رەچاوی رێنماییەكان بن، ئەگینا دۆخەكە باش نابێت".
جێی ئاماژەیە تەنها دوێنێ لە هەردوو پارێزگای هەولێر و سلێمانی 20 حاڵەتی نوێی توشبوون بەڤایرۆسی كۆرۆنا تۆماركران.
PM:02:38:25/05/2020
ئهم بابهته 5180
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت