داعش هێرشێكی نوێی كرد و دوو چه‌كداری حه‌شدی شه‌عبیی كوشت
وێستگه نیوزـ
شه‌وی رابردوو ژمارەیەك چه‌كداری سه‌ربه رێكخراوی داعش لە خۆرئاوای خورماتوو هێرشیانكردە سەر هێزەكانی حەشدی شەعبی و به‌هۆیه‌وه پێنج چه‌كداری حه‌شد كوژران و برینداربوون.
مەلا كەریم شوكر، لێپرسراوی مەڵبەندی حەمرینی یەكێتی بە ماڵپەڕی فه‌رمیی حزبه‌كه‌ی راگەیاندوه: لە سەربازگەیەكی حەشدی شەعبی كە بە "مەتاری سدیق ناسراوە"، چه‌كدارانی داعش پەلاماری هێزەكانی حەشدیان داوە و شەڕی سەخت روویداوە.
وتیشی: بەو هۆیەوە دوو چەكداری حەشد كوژراون و سیانی دیكه‌ش برینداربوون، دواتر هێزێكی تر بەهانای حەشدی شەعبییەوە چوون و لە رێگەدا بۆمبێكی چێنراویان پێیاندا تەقیوەتەوەو ئه‌وانیش برینداریان لێكه‌وتوه‌ته‌وه.
لێپرسراوی مەڵبەندی حەمرینی یەكێتی ئاشكراشیكرد كه ئەو هێزەی حەشدی شەعبی كە هێرشیانكراوەتەسەر خەڵكی ناحیەی ئامرلین.
AM:09:18:10/04/2020
ئه‌م بابه‌ته 1964
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت