پشووی زانكۆ و په‌یمانگه‌كان درێژ كرایه‌وه‌


وێستگه‌ نیوزـ

وه‌زاره‌تی خوێندنی باڵا و توێژینه‌وه‌ی زانستیی حكومه‌تی عیراق بڕیاریدا پشووی ناوه‌نده‌كانی خوێندنی باڵا درێژ بكاته‌وه‌.

وه‌زاره‌تی خوێندنی باڵا و توێژینه‌وه‌ی زانستیی عیراق رایگه‌یاد كه‌ به‌ بڕیاری لیژنه‌ی باڵای ته‌ندروستیی تایبه‌ت به‌ روبه‌ڕوبونه‌وه‌ی ڤایرۆسی كۆرۆنا، بڕیاردراوه‌ پشووی سه‌رجه‌م دامه‌زراوه‌كانی خوێندی باڵا و زانكۆ و كۆلێژ و په‌یمانگه‌كان تا 18ی نیسان درێژ بكرێته‌وه‌.

وه‌زاره‌تی ناوبراو داواشی كردووه‌ هه‌موو لایه‌ك پابه‌ند بن به‌ بڕیاره‌كه‌ و له‌ رێگه‌ی سه‌كۆ ئه‌لیكترۆنییه‌كانه‌وه‌ وانه‌كانیان به‌ خوێندكاران بگه‌یه‌نن و خوێندكارانیش پابه‌ندبن به‌و وانانه‌وه‌ به‌جۆرێك كه‌ له‌سه‌ریان حسابه‌.

به‌هۆی بڵاوبوونه‌وه‌ی ڤایرۆسی كۆرۆنا له‌ عێراق تائێستا هه‌زار و 122 كه‌س توشبون و له‌و ژماره‌یه‌ش 65 كه‌س گیانیان له‌ده‌ستداوه‌ و 373ی دیكه‌ش چاكبونه‌ته‌وه‌.


AM:09:07:08/04/2020


ئه‌م بابه‌ته 11800 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت