ئەمشەو شەوی بەراتە
منداڵێك له شه‌وی به‌راتدا، فۆتۆ: ئه‌رشیڤ
وێستگە نیوز_ پشتیوان جەمال
ئەمشەو 7ی نیسانی 2020، شەوی بەراتە، بەرپرسێکی زانایانیش داوا لە هاوڵاتیان دەکات بەهۆی ڤایرۆسی کۆرۆناوه منداڵ نەنێرنە دەرەوە.
مەلا عەتا پێنجوێنی، سەرپەرشتیاری لقی سلێمانی یەکێتی زانایانی ئاینی ئیسلامی کوردستان بە وێستگە نیوزی راگەیاند، ئەمشەو شەوی بەراتە، دیارە لە ئاینی ئیسلامیشدا ئەمشەو موسڵمانان زۆرترین نوێژ بکەن و نزا بکەن و قورئان بخوێنن.
ناوبراو روونیکردەوە، "پێشتر کۆرۆنا نەبوو منداڵان دەچونە دەرەوەبۆ کۆکردنەوەی نوقڵ و شیرینی، بەڵام ئەمساڵ جیاوازە بەهۆی کۆرۆنا هاتووچۆ قەدەغەیە، داوا لە خەڵک دەکەین نەهێڵن منداڵان بڕۆنە دەرەوە".
له هه‌رێمی كوردستان به‌پێی ئاماره‌كانی وه‌زاره‌تی ته‌ندروستی تا ئێستا 285 كه‌س تووشی ڤایرۆسی كۆرۆنا بوون، له‌و ژماره‌یه‌ش 105 كه‌س چاكبوونه‌ته‌وه و سێ حاڵه‌تی گیان له ده‌ستدانیش هه‌بووه.
هــ. ر
PM:03:42:07/04/2020
ئه‌م بابه‌ته 2840
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت