وه‌زاره‌تی كشتوكاڵ هاورده‌كردنی ئاژه‌ڵ و په‌له‌وه‌ری قەدەغە کرد
بێگەرد تاڵەبانی
وێستگه نیوز ـ تانیا كفری
وه‌زاره‌تی كشتوكاڵ و سه‌رچاوه‌كانی ئاوی حكومه‌تی هه‌رێمی كوردستان چه‌ند بڕیارێكی نوێی بۆ رووبه‌ڕووبوونه‌وه‌ی ڤایرۆسی كۆرۆنا ده‌ركرد و هاورده‌كردنی ئاژه‌ڵ و په‌له‌وه‌ری قه‌ده‌غه كرد.
ئەمڕۆ دووشەممە 9ی ئازاری 2020، بێگەرد تاڵەبانی، وەزیری كشتوكاڵ و سەرچاوەكانی ئاو لە حكومەتی هەرێم بڕیاریدا بە قەدەغەكردنی هاوردەكردنی ئاژەڵی زیندو پەلەوەر و هەموو بەرهەمەكانیان بە شێوەی نایاسایی لە وڵاتانی دەوروبەر.
ئاماژه‌ی به‌وه‌شكردووه: بڕیاره‌كه قەدەغەكردنی هاوردەكردنی جگەری مریشك و هەموو جۆرە قیمەیەك ده‌گرێته‌وه.
لە خاڵێكی تری بڕیارەكەی وەزارەتی كشتوكاڵ و سەرچاوەكانی ئاودا بڕیاری قەدەغەكردنی هاوردەكردن و مامەڵە پێكردنی ئاژەڵ و باڵندەی جوانی و ماسی جوانی لە شوێنە گشتیی و قەرەباڵغەكانی ناو بازاڕەكانی كوردستان.
خاڵی چوارەمی بڕیارەكە سەربڕینی ئاژەڵ لە دەرەوەی سەربڕخانە فەرمیەكان قەدەغەكراوە و پێویستە ئاژەڵی سەربڕدراو مۆری فەرمی سەربڕخانە فەرمیەكانی لەسەر بێت.
هــ. ر
AM:11:33:09/03/2020
ئه‌م بابه‌ته 5180
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت