په‌رله‌مانتارێكی كورد: هیچ كێشه‌یه‌ك له ره‌وانه‌كردنی موچه‌ی فه‌رمانبه‌رانی هه‌رێم له به‌غداوه نییه
وێستگه نیوزـ
ئه‌ندامێكی كوردی لیژنه‌ی دارایی له په‌رله‌مانی عیراق دڵنیایی دایه موچه‌خۆرانی هه‌رێمی كوردستان و رایگه‌یاند له دوو رۆژی داهاتوودا به‌غدا پاره بۆ هه‌رێم ده‌نێرێت.
له لێدوانێكدا بۆ ماڵپه‌ڕی فه‌رمیی یه‌كێتی نشتمانیی كوردستان، شیروان میرزا ئه‌ندامی لیژنه‌ی دارایی له په‌رله‌مانی عیراق رایگه‌یاند: به‌دواداچونی بۆ موچه‌ی فه‌رمانبه‌رانی هه‌رێم كردوه و بۆی ده‌ركه‌وتووه كه وه‌زیری دارایی عیراق واژووی له‌سه‌ر پاره‌ی مانگانه‌ی دیارییكراوی مووچه‌ی فه‌رمانبه‌رانی هه‌رێم كردوه.
وتیشی: له‌دوو رۆژی داهاتوودا پاره‌كه ده‌خرێته سه‌ر حساب بانكی حكومه‌تی هه‌رێمی كوردستان و ره‌وانه‌ی هه‌رێم ده‌كرێت.
په‌رله‌مانتاره كورده‌كه‌ی لیژنه‌ی دارایی دڵنیایی دا و رایگه‌یاند: هیچ كێشه‌یه‌ك له ره‌وانه‌كردنی مووچه‌ی فه‌رمانبه‌رانی هه‌رێم له‌لایه‌ن حكومه‌تی عیراقه‌وه نیه، به‌ڵام مانگه حكومه‌تی عیراق له 17 تا 25 ی مانگ ئه‌و پاره‌یه ده‌خاته سه‌ر حساب بانكی هه‌رێم، بۆیه سبه‌ینێ یان دوو سبه‌ی به‌دڵنیایی ئه‌و پاره‌یه بۆ هه‌رێم ده‌نێردرێت.
PM:09:55:23/02/2020
ئه‌م بابه‌ته 10240
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت