روونکردنەوەیەک لەکۆسرەت رەسوڵەوە
كۆسرەت ڕەسول
وێستگه نیوز ـ
كۆسرەت رەسوڵ، سەرۆكی ئەنجامی باڵای سیاسی و بەرژەوەندی یەكێتی رەتیدەکاتەوە هیچ رێککەوتنێکی کردبێت بۆ هەڵبژاردنی دوو هاوسەرۆك بۆ یەكێتی نیشتمانی كوردستان.
لە روونکردنەوەکەدا کەوێنەیەکی بۆ وێستگه نیوز نێردراوه، تیایدا نووسینگەی کۆسرەت رەسوڵ رایگەیاندوە"لە دوێنێوە دەنگۆیەك بڵاوبوه‌تەوە گوایە هەڤاڵ كۆسرەت رەسوڵ، سەرۆكی ئەنجامی باڵای سیاسی و بەرژەوەندی یەكێتی رەزامەندبووە و رێككەوتنی نهێنی لە ژوورە تاریكەكان ئەنجامداوە بۆ هەڵبژاردنی دوو هاوسەرۆك بۆ یەكێتی نیشتمانی كوردستان".
روونكردنه‌وه‌كه ده‌شڵێت: "لێرەوە ڕایدەگەیەنین كە جەنابی كاك كۆسرەت هیچ ڕێككەوتنێكی نهێنی ئەنجام نەداوە و هەمیشە لەگەڵ تەبایی و یەكڕیزی نێوان هەڤاڵانی یەكێتی نیشتمانی كوردستانەو رای وایە ئەمڕۆ و ئایندەی یەكێتی پێویستی بە هەموو هەڤاڵانەو دەبێت هەموو پێكەوە كاربكەن بۆ سەرخستنی یەكێتی و خزمەتكردنی هاوڵاتیانی كوردستان".
دەقی روونکردنەوەکە:
بەڕێزان ئەندامانی ئەنجومەنی سەركردایەتی هەڤاڵان ئەندامانی ئەنجومەنی باڵای سیاسی ئەندام و لایەنگرانی یەكێتی نیشتمانی كوردستان جەماوەری خۆڕاگری كوردستان لە دوێنێوە دەنگۆیەك بڵاوبۆتەوە گوایە هەڤاڵ كۆسرەت ڕەسول سەرۆكی ئەنجامی باڵای سیاسی و بەرژەوەندی یەكێتی ڕەزامەندبووە و ڕێككەوتنی نهێنی لەژوورە تاریكەكان ئەنجامداوە بۆ هەڵبژاردنی دوو هاوسەرۆك بۆ یەكێتی نیشتمانی كوردستان.
لێرەوە ڕایدەگەیەنین كە جەنابی كاك كۆسرەت هیچ ڕێككەوتنێكی نهێنی ئەنجام نەداوە و هەمیشە لەگەڵ تەبایی و یەكڕیزی نێوان هەڤاڵانی یەكێتی نیشتمانی كوردستانەو ڕای وایە ئەمڕۆو ئایندەی یەكێتی پێویستی بە هەموو هەڤاڵانەو دەبێ هەموو پێكەوە كاربكەن بۆ سەرخستنی یەكێتی و خزمەتكردنی هاووڵاتیانی كوردستان.
نووسینگەی ڕۆژنامەوانی كۆسرەت ڕەسول عەلی
PM:10:31:19/02/2020
ئه‌م بابه‌ته 2336
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت