دەزگای هەواڵگری عیراق: وتاربێژ و بەرپرسی راگەیاندنی داعش لە مەخمور دەستگیر کرا
وێستگە نیوز-
دەزگای هەواڵگری سوپای عیراق دەتگیرکردنی وتاربێژ و بەرپرسی راگەیاندنی رێکخراوی داعش-ی لە مەخمور راگەیاند.
لە بەیاننامەیەکدا ئەمڕۆ چوارشەممە 11 ی 12 ی 2019 ، هەواڵگری عیراق رایگەیاند، هێزەکانی سەر بە دەزگای هەواڵگری عیراق لە یەکەی 14 بە هاوبەشی لەگەڵ لیوای 59 توانیویانە بانگدەر و وتاربێژ و بەرپرسی راگەیاندنی داعش لە ناوچەی سەڵاحیەی سەر بە مەخمور دەستگیر بکەن.
هەواڵگری عیراق ئاماژەی بەوەش داوە، " ئەو بەرپرسەی رێکخراوی داعش لەلایەن هێزەکانی هەواڵگری عیراقەوە کەمینی بۆ دانراوەو توانراوە دەستگیر بکرێت".
بەیاننامەکەی هەواڵگری ئەوەشی ئاشکرا کردووە، "دەستگیرکراوەکە پاڵپشت و هاوکاری ئەندامانی چەکداری داعش بووە لە مەخمور و یەکێک بووە لە داواکراوەکان بەپێی یاسای 4 ی تیرۆر".
ش . ر
PM:04:00:11/12/2019
ئه‌م بابه‌ته 2300
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت