تورکیا: ئەگەر ئاگربەست پێشێل بکرێت دەستدەکەینەوە بە ئۆپراسیۆنی سەربازی

‌

ئەمڕۆ شەممە 19 ی تشرینی یەکەمی 2019، خڵوسی ئاکار، وەزیری بەرگری تورکیا رایگەیاند، ئەگەر ئاگربەست لە باکوری رۆژهەڵاتی سوریا "رۆژئاوای کوردستان" پێشێل بکرێت وڵاتەکەی ئۆپراسیۆنە سەربازییەکەی لەو ناوچەیە دەستپێدەکاتەوە. 

دوای لێدوانەکەی وەزیری بەرگریش، رەجەب تەیب ئەردۆغان، سەرۆک کۆماری تورکیا رایگەیاند، ئەگەر دوای وادەی ئاگربەست هێزەکانی سوریای دیموکرات کە ئەو بە "تیرۆریست" ناویبردن، لە ناوچەی باکوری رۆژهەڵاتی سوریا نەکشێنەوە تورکیا ئۆپراسیۆنە سەربازییەکەی دەستپێدەکاتەوە. 

سەرۆک کۆماری تورکیا، راشیگەیاند، رۆژی سێشەممەی ئەم هەفتەیە لەگەڵ ڤلادمیر پوتین، سەرۆکی روسیا کۆدەبێتەوە. 

سەبارەت بە ناوەڕۆکی کۆبوونەوەکە، رەجەب تەیب ئەردۆغان، وتی، " لەگەڵ سەرۆکی روسیا تاوتوێتی دۆسیەی جێگیرکردنی سوپای حکومەتی سوریا لە باکوری رۆژهەڵاتی سوریا دەکەم".