ئهردۆغان: بهپێی رێككهوتنهكه ئێمه هێزەکانمان ناکشێنینەوە
ئەردۆغان
وێستگه نیوز ـ
رەجەب تەیب ئەردۆغان، سەرۆک کۆماری تورکیا لە لێدوانێکی رۆژنامەوانییدا رایگەیاند، لە ئێستاوە قۆناغی 120 کاتژمێرەکە کاری پێدەکرێت.
ئەردۆغان لەبارەی رێککەوتنی تورکیا و ئەمریکا لەسەر دۆخی سوریا رایگهیاند، لە ماوەی 120 کاتژمێر یەپەگە لە ناوچەی ئارام دەکشێنەوە.
وتیشی: "بەڵێنی ئەوەمان وەرگرت کە ئەم قۆناغە بە سەرۆکایەتی تورکیا و پێکەوە ئەنجامبدەین، بەردەوام لە پەیوەندییدا دەبین، کۆبوونەوەکانی نێوان شاندەکانمان درێژەی دەبێت".
ئاماژەی بەوەشدا، هەر لەبارەی رێککەوتن و ئاگربەست، لەگەڵ سەرۆکی رووسیاش کۆدەبمەوە.
رەتیشیکردەوە کە هێزەکانی باکووری سوریا جێبهێڵن و رایگەیاند، "بەگوێرەی رێککەوتنەکە هێزەکانمان ناکشێنەوە".
ئەمەش لە کاتێکدایە، ئەمڕۆ مستەفا بالی، بەرپرسی ناوەندی راگەیاندنی هەسەدە رایگەیاند، تورکیا لە دوێنێ شەوەوە ئاگربەستی شکاندەوە و هێرشەکانی بەردەوامی پێداوە.
ئهمڕۆ مستەفالی بالی، بەڕێوەبەری ناوەندی راگەیاندی هێزەکانی سوریای دیموکرات (هەسەدە) لە هەژماری خۆی لە تۆڕی کۆمەڵایەتی تویتەر رایگەیاند: سەرەڕای رێککەوتن بۆ وەستانی جەنگ، بۆردومانی زەمینی و ئاسمانی دەکرێتە سەر شەڕڤانەکان، شوێنی نیشتەجێبوونی هاوڵاتیان و نەخۆشخانەی سەرێ کانی.
ئهوهشی وتووه: تورکیا لە شەوی رابردووەوە، بە هێرشەکانی ئاگربەستی پێشێلکردووە.
مایک پێنس، جێگری سەرۆکی ئەمریکا شەوی رابردوو لە دوای کۆبوونەوەی لەگەڵ رەجەب تەیب ئەردۆغان، ئاگربەستی لە رۆژئاوای کوردستان راگەیاند و وتی، "ماوەی 120 کاتژمێر جەنگ دەوەستێت و لەو ماوەیە هێزەکانی هەسەدە تا دەرەوەی ناوچەی ئارام دەکشێنەوە، بەڵام سوپای تورکیا لە بۆردومانەکانی بەردەوامە".
PM:03:11:18/10/2019
ئهم بابهته 3000
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت