قایمقامیه‌تی مه‌خمور له‌ باره‌ی پاره‌ی به‌شه‌خۆراكه‌وه‌ روونكردنه‌وه‌ ده‌دات

‌هاوڵاتیانی مەخمور پارەی بەشەخۆراکی 2014 وەردەگرن

وێستگه‌ نیوز ـ هەستیار

قایمقامیه‌تی قه‌زای مه‌خمور له‌ باره‌ی پاره‌ی‌ به‌شه‌خۆراكه‌وه‌ روونكردنه‌وه‌ ده‌دات و هۆشداریش ده‌داته‌ بریكاره‌كانی دابه‌شكردنی خۆراك له‌وه‌ی ئه‌گه‌ر پاره‌كه‌ نه‌ده‌نه‌ هاوڵاتییان.

سه‌رچاوه‌یه‌ك له‌ راگه‌یاندنی قایمقامیه‌تی مه‌خمور به‌ وێستگه‌ نیوزی راگه‌یاند: "ئاگاداری هاوڵاتیانی سنووری قەزای مەخموور و دەوروبەری مادەی 140 دەکەینەوە کە ئەوەی لە دوای ساڵی 2014 مردووە یاخود ناوی نەسڕاوەتەوە لە بەڕێوەبەری خۆراک حەقی خۆیەتی پارەی بەشە خۆڕاک وەربگرێت".

وتیشی: "بەپێچەوانەوە ئەگەر بریکاری خۆراک پارەکەی نەدا بەهاوڵاتیان، هاوڵاتیان بۆیان هەیە ئاگادارمان بکەنەوە تا بریکارەکە رووبەرووی یاسا بکەینەوە".

ئه‌و سه‌رچاوه‌یه‌ زانیاری زیاتری له‌سه‌ر بڕی پاره‌كه‌ داو رایگه‌یاند: "هەر خێزانێک بڕی 250 دینار دەدات بە بریکار
لەبەرامبەر هێنانی پارەکە لە موسڵ، هەر ئه‌ندامێكی خێزانیش بڕی 17 هەزار دینار وەردەگرێت و پارەكه‌ش هی ساڵی 2014 ـیە".


AM:11:40:19/09/2019


ئه‌م بابه‌ته 18952 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو