بەشێوەیەکی کتوپڕ وازهێنانی لە هونەر ڕاگەیاند


وێستگە نیوز -
نیکی میناج، گۆرانبێژی ڕاپی ئەمریکی، بەشێوەیەکی کتوپڕ  وازهێنانی خۆی لە هونەر ڕاگەیاند و  بەم هەواڵەش هەوادارانی تووشی شۆک کرد. 

میناج-ی تەمەن 36 ساڵ لە ڕێگەی تویتەرەکەیەوە کە زیاتر لە 20 ملیۆن فۆلۆوەرزی هەیە  دوێنێ پێنجشەممە لە پۆستێکیدا نوسی، " بڕیارم دا واز لە گۆرانی وتن بهێنم و خێزانێک دروست بکەم". 


لە مانگی 6 ی ئەمساڵ نیکی میناج ڕایگەیاندبوو کە دەیەوێت هاوسەرگیری لەگەڵ کینیت بیتی کوڕەهاوڕێی بکات و دواتریش ناوی خۆی لە تویتەرەکەی گۆڕی بە  خانمە بیتی، بەڵام ئەوکات بە فەرمی ئاشکرای نەکرد کە هاوسەرگیریەکەی کردووە یاخود نا . 

ناوبانگی ئەم ڕاپەرە ئەمریکیە پێش 10 ساڵ گەیشتە لوتکە  ئەوکاتەی ئەلبومەکەی بە ناوی " هەینی پەمەیی - pink friday"  بڵاوکردەوە، میناج بە لێدوانە ڕاشکاوەکانی و جیاوازی بۆچوونی لەگەڵ هاوڕێ هونەرمەندەکانی و قژە ڕەنگاوڕەنگەکەی ناسراوە. 

نیکی میناج، تا ئێستا شەش خەڵاتی موزیکی بەدەستهێناوە و یەکێکە لەو ئەمریکیانەی زۆرترین خەڵاتی موزیکی بردووە، یەکێکیش بوو لە دادوەرانی پرۆگرامی ئەمریکان ئایدڵ، لەساڵی 2016 ش لە لیستی 100 کەسایەتیە کاریگەرەکەی گۆڤاری تایم ناوی هات.


AM:10:24:06/09/2019


ئه‌م بابه‌ته 10836 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو