ئه‌مریكا پێنج ملیۆن دۆلاری وەك پاداشت بۆ دەستگیركردنی سێ سەركردەی داعش تەرخان كرد
چەکدارانی داعش لە سوریا.. فۆتۆ: ئەرشیڤ
وێستگه نیوز ـ
ویلایەتە یەكگرتووەكانی ئەمریكا بڕی پێنج ملیۆن دۆلاری بۆ دۆزینەوەی شوێنی سێ سەركردەی داعش تەرخانكرد.
بەپێی راگەیەندراوێكی وەزارەتی دەرەوەی ئەمریكا، ئەو سێ سەركردەیە پێكهاتوون لە: ئەمیر محەمەد سەعید، عەبدولرەحمان ئەل موالی، گەورە سەركردە و یاریدەدەری ئەبوبەكر بەغدادی، سامی جاسم جبوری بەرپرسی دارایی و فرۆشتنی نەوت و گاز لەگروپەكە، هاوكات عەبدولنایف نەجم جبوری بەرپرسی دروستكردنی بۆمبی چێندراو.
وەزارەتی دەرەوەی ئەمریكا ئاماژەی بەوەشكردووە: هەر كەسێك زانیاری لەسەر شوێنی نیشتەجێبوونی ئەو سێ سەركردەیەی داعش بدات بە ئەمریكا بڕی پێنج ملیۆن دۆلار وەك پاداشت وەردەگرێت.
هــ. ر
PM:01:45:22/08/2019
ئه‌م بابه‌ته 3296
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت