وه‌زاره‌تی كشتوكاڵ هاورده‌كردنی ته‌ماته‌ی قه‌ده‌غه‌كرد

‌هاوردەکردنی تەماتە قەدەغە کرا

وێستگه‌ نیوز ـ
وەزارەتی کشتوکاڵی هەرێم رایگەیاند، بەئامانجی ساغکردنەوەی بەرهەمی ناوخۆی بڕیاریانداوە هاوردەکردنی تەماتە لە دەرەوە قەدەغەبکرێت.


بڕیارەکەی وەزارەتی کشتوکاڵی هەرێم دوای ئەوەی هات لە چەند رۆژی رابردوودا بەهۆی ساغنەبوونەوەی بەرهەمەکانیان ژمارەیەک جوتیار بەرهەمەکانیان فڕێدا، بڵاوبوونەوەی دیمەنی فڕێدانی بەرهەمی جوتیارانیش کاردانەوەی لە تۆڕەکۆمەڵایەتییەکاندا دروستکرد و بەشێک لە هاوڵاتیان وەزارەتی کشتوکاڵیان بە کەمتەرخەم بەرامبەر ساغکردنەوەی بەرهەمی ناوخۆی تۆمەتبارکرد.

ساڵانە لەگەڵ پێگەیشتنی‌ بەرهەمی‌ کشتوکاڵیی‌ ناوخۆ، نرخی‌ بەرهەمە ناوخۆییەکان بۆ ئاستێکی‌ زۆر نزم دادەبەزن و زۆرجاریش تێچووی‌ هەڵگرتنەوەی‌ بەروبوومەکە هێندە زۆرە بەراورد بە فرۆشتنی‌ بەرهەمەکە بە نرخێکی‌ زۆر کەم، بۆیە زیانی‌ زۆر بەر جوتیاران دەکەوێت و زۆرجاریش دەبینرێت بەرهەمەکانی‌ شوتی‌ و خەیار و تەماتە کۆناکرێنەوە یاخود کۆدەکرێنەوە و فڕێدەدرێن.

هــ. ر


PM:12:08:22/08/2019


ئه‌م بابه‌ته 4320 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت