ئەمینداری گشتی ئەنجوومەنی وەزیرانی عیراق: 650 تۆن له‌ خۆراك و هاوكاری بۆ زیانلێكه‌وتووانی بومه‌له‌رزه‌كه‌ی سووریا ره‌وانه‌ ده‌كه‌ین


وێستگەنیوز_

ئه‌مینداری گشتی ئه‌نجومه‌نی وه‌زیرانی عێراق رایده‌گه‌یه‌نێت، 650 تۆن له‌ پێداویستی خۆراك و هاوكاری فریاگوزاری بۆ زیانلێكه‌وتووانی بومه‌له‌رزه‌كه‌ی سووریا ره‌وانه‌ ده‌كه‌ن.

ئەمرۆ چوارشەممە 8ـی 2ـی 2023، حه‌یده‌ر مه‌جید، وته‌بێژی ئه‌مینداری گشتی رایگەیاند، وه‌زاره‌تی بازرگانی ئه‌مڕۆ 650 تۆن له‌ برنج، شه‌كر، پاقله‌مه‌نییه‌كان و زه‌یت ره‌وانه‌ی سووریا ده‌كه‌ن.

ئاماژەی بەوەشکرد، "60 تۆن پێداویستی فریاگوزاری پزیشكی و چاره‌سه‌ری سه‌ره‌تایی، خێوه‌ت، به‌تانی و مافووریان به‌ دوو فڕۆكه‌ بۆ زیانلێكه‌وتووانی سووریا ره‌وانه‌ كردووه‌."

ئەوەشی خستەڕوو، تیمێكی مانگی سووری عێراقی بۆ گه‌ڕان و دۆزینه‌وه‌ی بێسه‌روشوێنانیشیان له‌گه‌ڵدایه‌ و ئامادەی هەموو هاوکارییەکی دیکەشن.

ئه‌مینداری گشتی ئه‌نجومه‌نی وه‌زیرانی عێراق ئاشکراشیکرد، "ئەمڕۆش بڕی یەک ملیۆن لیتر سووتەمەنی و 500 هەزار لیتر بەنزین و 500 هەزار لیتر غاز دەگاتە دەستمان و دەینێرین بۆ سووریا."

جەختیشی کردەوە لەوەی، هەموو هێزە ئاسمانییەکان، فەرماندەییە تایبەتەکان، حکومەت و وەزارەتی دەرەوە و خەڵکی عیراق ئامادەی هاوکاریکردنی گەلی سووریان. 



AM:09:27:08/02/2023


ئه‌م بابه‌ته 1544 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت