دوای بڕیارەکەی ئۆپیک پڵەس؛ نرخی نەوت 2٪ بەرزبووەوە
وێستگهنیوز ـ
دوای بڕیاری ئەمڕۆی رێکخراوی ئۆپیک پڵاس بۆ کەمکردنەوەی بەرهەمهێنانی نزیکەی دوو ملیۆن بەرمیل نەوتی رۆژانە، نرخی نەوت بە رێژەی 2٪ بەرزبووەوە و لە ئێستادا بەرمیلێک نەوتی خاوی برێنت بە 93 دۆلار و 77 سەنت مامەڵەی پێوەدەکرێت.
بە گوێرەی راگەیەندراوێکی ئۆپیک پڵەس بڕیاری کەمکردنەوەی بەرهەمهێنانی نەوت بە بڕی دوو ملیۆن بەرمیلی رۆژانە لە مانگی تشرینی دووەمی ئەمساڵەوە دەچێتە بواری جێبەجێکردنەوە لەلایەن ئەندامەکانی رێکخراوی ئۆپیک و ئەوانەش کە بەشدارنین لە رێکخراوەکە.
نرخی هەر بەرمیلێک نەوتی خاوی برێنت گەیشتووەتە 93 دۆلار و 77 سەنت و بەمەش نزیکەی دوو دۆلار و 69 سەنت بەرزبووەتەوە بە بەراوردکردن بە کاتی داخستنی لە دوێنێدا کاتێک بازاڕ بە 91 دۆلار و 8 سەنت داخرا.
هاوکات، نرخی هەر بەرمیلێک نەوتی خاوی ئەمریکی بۆ 88 دۆلار و 12سەنت بەرزبووەتەوە.
PM:07:57:05/10/2022
ئهم بابهته 828
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت