ڕەوتی سەدر بەشداری کۆبوونەوەی کازمی و لایەنە سیاسیەکان ناکات
وێستگەنیوز-
ڕەوتی سەدر ئەمڕۆ چوارشەممە ڕایگەیاند، بەشێوەی ڕاستەوخۆ و ناڕاستەوخۆش بەشداری کۆبوونەوەی ئەمڕۆی مستەفا کازمی و لایەنە سیاسیەکان ناکات.
نووسینگەی تایبەتی ڕەوتی سەدر ئەمڕۆ چوارشەممە 17 ی ئابی 2022 لە ڕاگەیەندراوێکدا بڵاویکردەوە، " هیچ کەسایەتی و نوێنەرێکی ناو ڕەوتی سەدر بەشداری ئەو گفتوگۆیە ناکات کە مستەفا کازمی سەرۆک وەزیران لایەنەکانی بۆ بانگهێشت کردووە".
ڕەوتەکە جەختی لەوەش کردووەتەوە، نوێنەری ئەوان چ بە ڕاستەوخۆ و چ بە ناڕاستەوخۆ بەشداری کۆبوونەوەی مستەفا کازمی و نوێنەری لایەنە سیاسیەکانی عێراق ناکات.
ئەمە لەکاتێکدایە مستەفا کازمی، لە بەیاننامەیەکدا شەوی ڕابردوو ڕایگەیاندبوو،"لەڕوانگەی هەستكردن بە بەرپرسیارێتی نیشتمانی بۆ عێراقییەكان و پاراستنی یەكێتی و ئاسایش و ئارامی وڵات، بانگهێشتی هەموو سەركردەی لایەنەكان دەكات، بۆ ئەوەی سبەینێ چوارشەممە لەكۆبونەوەیەكی تایبەتدا گفتوگۆی نیشتیمانی ڕاستەقینە و هەنگاوی هاوبەش بۆ قۆناغی داهاتوو هەڵبنێن و ئامادەی بن لە كۆشكی حكومەت بۆ سازدانی كۆبوونەوەیەكی نیشتمانی".
PM:02:07:17/08/2022
ئهم بابهته 2012
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت