سه‌در: عێراق پایته‌ختی شیعه‌گه‌رێتییه‌ و پێویسته‌ ئه‌وانی دیكه‌ بۆی بگه‌ڕێنه‌وه‌


وێستگەنیوز_

موقته‌دا سه‌در، رێبه‌ری ره‌وتی سه‌در، په‌یامێكی له‌ باره‌ی یه‌كڕیزی ناو ماڵی شیعه‌ بڵاوكرده‌وه‌ و دەڵێت، "عیراق پایتەختی شیعەگەرێتییە."

سەدر لە پەیامەکەدا ئاماژە بەوە دەکات، "یه‌كڕیزی ناو ماڵی شیعه‌ پێویسته‌ له‌سه‌ر بنه‌مای روون و به‌ گوێره‌ی شه‌ریعه‌ت و خۆشه‌ویستی نیشتمان و بێزراندنی شوێنكه‌وته‌یی و چاكسازی راسته‌قینه‌ و نه‌هێشتنی گه‌نده‌ڵی و لێپرسینه‌وه‌ له‌ گه‌نده‌ڵكاران بێت."

دەشڵێت: عێراق پایته‌ختی یه‌كه‌می شیعه‌گه‌رێتییه‌ و ئه‌مه‌ش مانای وایه‌ پێویسته‌ ئه‌وانی دیكه‌ بگه‌ڕێنه‌وه‌ بۆ عێراق، نه‌ك عێراق ببێته‌ پاشكۆی ئه‌وانی دیكه‌.

له‌ به‌شێكی دیكه‌ی په‌یامه‌كه‌یدا، سەرۆکی رەوتی سەدر ستایشی حه‌شدی شه‌عبی كردووه‌ و رایگه‌یاندووه‌، "حه‌شد له‌ بنه‌ماڵه‌ی سه‌در نزیكتره‌ و زۆرتر پابه‌ندن به‌ ته‌قلیدكردنی هه‌ردوو شه‌هیدی ئالی سه‌در."


PM:08:22:04/08/2022


ئه‌م بابه‌ته 236 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت