پۆلیسی هەولێر تۆمەتبارێکی ماددەی هۆشبەری دەستگیرکرد
وێستگەنیوز-
بەڕێوەبەرایەتی پۆلیسی پارێزگای هەولێر ڕایگەیاند، "بەشی پۆلیسی فریاکەوتنی هەولێر تۆمەتبارێکی بەرەگەز سوورییان بە تۆمەتی بەکارهێنانی و فرۆشتنی ماددەی هۆشبەر دەستگیرکردووە.
ئەمڕۆ سێشەممە 18ی کانوونی دووەمی 2022، بەڕێوەبەرایەتی پۆلیسی پارێزگای هەولێر لە ڕاگەیاندراوێکدا بڵاویکردەووە، ''بە تۆمەتی بەکارهێنانی ماددەی هۆشبەر تۆمەتبارێکی بەرەگەز سووریان دەستگیرکردوە و کاتی دەستگیرکردنیدا دەست بەسەر بڕێک مادەی هۆشبەر لە جۆری 'کریستاڵ' و 'حشيش'و تەرازوی فرۆشتنی ماددەکان و کەلوپەلی بەکارهێنانی مادە هۆشبەرەکاندا گیراوە.
ئاماژەی بۆ ئەوەشکرد، ''لە ئێستادا تۆمەتبار (ن.ا.ر.) دانیشتوی هەولێر، پەراوی لێكۆڵینەوەی بۆکراوە.''
لە هەرێمی کوردستاندا، بازرگانان و بەکارهێنەرانی ماددەی هۆشبەر وەکو تاوانبار مامەڵەیان لەگەڵدا دەکرێت و دەستگیر دەکرێن، بەڵام بەگوێرەی یاساکان سزای بەکارهێنەر و بازرگان جیاوازن.
PM:09:09:18/01/2022
ئهم بابهته 3272
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت