راگه‌یاندنی ئه‌منی عیراق: ئەنجامدەرانی تەقینەوەکانی بەغدا ئاشکرادەکرێن
دیمەنێک لە تەقینەوەکانی شەوی رابردووی بەغدا
وێستگەنیوزـ
شانەی راگه‌یاندنی ئەمنی عیراق رایگەیاند، ئەنجامدەرانی دوو تەقینەوەکەی ناوچەی کەرادەی بەغد ئاشکرادەکەن و دەیاندۆزنەوە کە دوو بانکیان کردە ئامانج.
شانەی راگه‌یاندنی ئەمنی عیراق لە بەیاننامەیەکدا جەختیکردووەتەوە، لە ماوەیەکی نزیکدا ئەنجامدەرانی ئەو دوو تەقینەوەیە ئاشکرادەکەن دوای ئەوەی شیکردنەوەی سەرەتاییان کردووە بۆ تەقینەوەکان و ئەو زانیارییانەی لەبەردەستیانە.
ئاماژەی بەوەشکردووە، سزادانی ئەنجامدەرانی تەقینەوەکان بەم زووانە دەبێت و دواناکەوێت و ئەوانەش ئاشکرادەکرێن کە لەپشت تەقینەوەکانەوە بوون کە ئامانج لێی تێکدانی ئاسایش و سەقامگیریی و تێکەڵکردنی کارتەکانە.
شەوی رابردوو، لە بەغدای پایتەختی عێراق لە گۆڕەپانی واسق لەناوچەی کەرادەی دوو تەقینەوە ڕوویاندا.
تەقینەوەی یەکەم لە نزیک شانۆی نیشتیمانی و تەقینەوەی دوەمیش لەنزیک گۆڕەپانی "الواپق" روویاندا.
AM:08:06:17/01/2022
ئه‌م بابه‌ته 4100
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت