نێچیرڤان بارزانی و باڵوێزی بەڕیتانیا کۆبوونەوە
وێستگەنیوز_
کەمێک لەمەوبەر سایتی فەرمیی سەرۆکایەتی هەرێمی کوردستان ڕایگەیاند، سەرلەبەیانی ئه‌مڕۆ یه‌كشه‌ممه 16ی کانوونی دووەمی 2022، نێچیرڤان بارزانی سەرۆکی حکومەتی هەرێمی کوردستان، لەگەڵ رایسۆن ریچاردسۆن باڵیۆزى به‌ر‌یتانیا له عیراق و شاندەکەی کرد.
هەواڵەکە ئەوەشی ڕاگەیاند، پرسی سەرەکی کۆبوونەوەکە تاوتوێکردنی دۆخی سیاسی، پرۆسه‌ى هه‌ڵبژاردنى ده‌سته‌ى سه‌رۆكایه‌تیى په‌رله‌مانى عیراق، گفتوگۆى لایه‌نه‌كان بۆ هه‌نگاوه‌كانى داهاتووى پرۆسه‌ى سیاسى و هه‌ڵبژاردنى سه‌ركۆمار و پێكهێنانى حكوومه‌ت و پەیوەندی نێوان بەڕیتانیا و عێراق و هەرێمی کوردستان بووە.
ئاماژەی بەوەشدا، هەردوولا هاوڕابوون لەسەر یەکڕیزیی لایەنە کوردییەکان لە عێراقدا؛ هەروەها باڵوێزی بەڕیتانیا ئەوەشی ڕاگەیاند، دۆستانی عێراق بەبایەخەوە لە کۆبوونەو و گفتوگۆی پارتە سیاسییەکانی عێراق دەڕوانن.
هەروەها باسی لەوەش کرد، بەئامانجگرتنى باره‌گاى نێرده دیپلۆماسییه‌كان و باره‌گاى لایه‌نه سیاسییه‌كان له به‌غدا، زیادبوونی ڕێژەی تووشبوون بە کۆرۆنا و پرسی کۆچ و دۆخ ناوچەکە بەگشتی، تەوەرەکانی دیکەی کۆبوونەوەکە بوون.
AM:11:30:16/01/2022
ئه‌م بابه‌ته 1056
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت