وه‌زاره‌تی پێشمه‌رگه و ئۆپراسیۆنه هاوبه‌شكانی عێراق له‌سه‌ر كاری هاوبه‌ش بۆ روبه‌ڕوبونه‌ویه داعش رێككه‌وتن
ئەرشیف
وێستگه نیوزـ
وه‌فدی وەزارەتی پێشمەرگە لەگەڵ فەرماندەیی ئۆپەراسیۆنە هاوبەشەکانی عێراق ئه‌مڕۆ شممه كۆبوه‌وه و تیایدا هەردوولا ڕێککەوتن لەسەر ئەوەی کاری هاوبەش بکەن بۆ ڕوبەڕوبونەوەی مەترسییەکانی داعش.
سه‌باره‌ت به كۆبونه‌وه‌كه فەرماندەیی ئۆپراسیۆنە ھاوبەشەکانی راگه‌یه‌ندراوێكی بڵاوكرده‌وه كه تیایدا هاتوه" کۆبونەوەیەکی سەربازی و ئەمنی لەگەڵ وەزارەتی پێشمەرگە بەڕێوەچوو و گفتوگۆکرا لەبارەی یەکخستنی هەوڵە ئەمنی و سەربازییەکان بۆ بەرپەرچدانەوەی هێرشە تیرۆریستییەکانی داعش و لێکتێگەیشتنی ئەمنی و سەربازی لە ناوچە سنورییەکانی نێوان هەرێم و ناوەند."
به‌گوێره‌ی راگه‌یه‌ندراوه‌كه لە کۆبونەوەکەدا هەردوولا کۆک بوون لەسەر هاوکاری و هەماهەنگیی هێزەکان و یەکخستنی هەوڵەکان بۆ شەڕی تیرۆریستانی داعش و بەردەوامبون لە کۆبونەوە دووقۆڵییەکانی نێوان سەرکردە سەربازییەکانی هەردوولا.
PM:05:35:04/12/2021
ئه‌م بابه‌ته 2260
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت