کۆمەڵی دادگەری: بەڵگەمان داوەتە کۆمیسیۆن کە ساختەکاری کراوە و چاوەڕێی وەڵام دەکەین
وێستگە نیوز-
کۆمەڵی دادگەریی کوردستان ئەنجامی هەڵبژاردنی ئەنجوومەنی نوێنەرانی عێراق رەتدەکاتەوە. بەرپرسی مەکتەبی هەڵبژاردن و ئاماری حیزبەکە دەڵێت، بەڵگەیان داوەتە کۆمیسیۆن کە ساختەکاری کراوە و چاوەڕێی وەڵام دەکەن.
ئەمڕۆ چوارشەممە 20ی تشرینی یەکەمی 2021، بێستوون حەمەساڵح، بەرپرسی مەکتەبی هەڵبژاردن و ئاماری کۆمەڵی دادگەریی کوردستان بە رووداوی ڕاگەیاندووە، لە سلێمانی سکاڵایان تۆمار کردووە، لە هەولێریش تانەیان لە هەڵبژاردن داوە، سەردانی کۆمیسیۆنیان لە بەغدا کردووە و تانە و سکاڵاکانیان پێشکێشکردوون.
باسیلەوەشکردووە، ''ئەوان ئەنجامی هەڵبژاردنەکە رەتدەکەنەوە و ئاماژەی بەوەشکرد، بۆ سکاڵا و تانەکانیان، کۆمیسیۆنی باڵای سەربەخۆی هەڵبژاردنەکانی عێراق داوای بەڵگەیان لێکردوون و ئەوانیش بەڵگەکانیان رادەستکردوون. بێستوون حەمەساڵح رایگەیاند، "هێشتا کۆمیسیۆن هیچ وەڵامێکی نەداونەتەوە".
ئێوارەی دوێنێ رۆژی سێشەممە وادەی وەرگرتنی تانە لە لایەن کۆمیسیۆنی باڵای سەربەخۆی هەڵبژاردنەکانەوە کۆتاییهات و تاوەکو ئەو کاتەش کۆمیسیۆن هەزار و 381 تانەی وەرگرتبوو.
PM:02:36:20/10/2021
ئه‌م بابه‌ته 4504
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت