تا ئه‌م دوو قسه‌ی كرد، ئه‌و كه‌وته‌ خواره‌وه‌


وێستگه‌ نیوزـ

لەو تەلارە چەند نهۆمییەی کە ماڵی مامی تێدا دەژی، هاوڵاتییه‌كی توركیا ویستی ڤیدیۆیه‌ك بۆ تۆڕه‌ كۆمه‌ڵایه‌تییه‌كان تۆمار بكات و چووه‌ سه‌ر سەقفی دوا نهۆمی تەلارەکە، به‌ڵام له‌پڕ كه‌وته‌ خواره‌وه‌ و گیانی له‌ده‌ستدا.

ئاژانسی ئه‌نادۆڵ بڵاویكرده‌وه‌ كه‌ كچه‌كه‌ ته‌مه‌نی 23 ساڵه‌ و ناوی كوبرا دۆغانه‌، سه‌ردانی ماڵی مامی له‌ ناوچه‌ی ئیسنیۆرت له‌ شاری ئه‌سته‌نبوڵ كردوه‌، له‌وێ له‌گه‌ڵ ئامۆزاكه‌یدا چووه‌ته‌سه‌ر سەربانی دوا نهۆمی تەلارێکی بەرز بۆ تۆماركردنی ڤیدیۆیه‌ك كه‌ ده‌ریبخات له‌ به‌رزاییدایه‌ و به‌نیازبووه‌ له‌ تۆڕه‌ كۆمه‌ڵایه‌تییه‌كان بڵاوی بكاته‌وه‌.

كچه‌كه‌ چووه‌ سه‌ر لێواری سه‌قفه‌كه‌ و كچه‌كه‌ی خزمیشی سه‌رقاڵی تۆماركردنی ڤیدیۆكه‌ بوو، ئامۆزاكه‌ی مۆبایله‌كه‌ی جوڵاند تا دوو قسه‌ بكات، به‌ڵام كه‌ ئاوڕی دایه‌وه‌ كوبرا كه‌وتبووه‌ خواره‌وه‌ و دواتر له‌ نه‌خۆشخانه‌ گیانی له‌ده‌ستدا.

مامی كوبرا به‌ناوی نابی دۆغان به‌ رۆژنامه‌نوسانی وت كه‌ چه‌ندین جار برازاكانی ئاگادار كردوه‌ته‌وه‌ له‌وه‌ی نه‌چنه‌ سه‌ربان، چونكه‌ ئه‌و له‌وحانه‌ی بۆ سه‌قفه‌كه‌ به‌كارهێنراون، ناسكن و ده‌كه‌ون، به‌ڵام گوێیان به‌ قسه‌كه‌ی نه‌داوه‌.

دۆغان ده‌ڵێت كه‌ خاوه‌ن تەلارەکە كه‌مته‌رخه‌مه‌ له‌ به‌كارهێنانی مه‌وادی پته‌و بۆ سه‌قفه‌كه‌ و بڕیاریداوه‌ سكاڵای له‌سه‌ر تۆمار بكات.



AM:10:24:22/08/2021


ئه‌م بابه‌ته 10576 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو