ئەمەریكا داوای راگرتنی توندوتیژییەكانی فەڵەستین و ئیسرائیل دەكات
وێستگە نیوز-
وەزیری دەرەوەی ئەمەریكا داوی لەئیسرائیل و فەڵەستین كردووە كۆتایی بەگرژییەكانی نێوانیان بێنن.
نێد پرایس، وتەبێژی وەزارەتی دەرەوەی ئەمریكا رایگەیاندووە، ئەنتۆنی بلینكن، وەزیری دەرەوەی وڵاتەكەی لەپەیوەندییەكی تەلەفۆنیدا لەگەڵ گابی ئاشكەنازی، هاوتا ئیسرائیلیەكەی داوایكردووە هەم ئیسرائیل و هەمیش فەڵەستین گرژیی كەم بكەنەوە و كۆتایی بە توندوتیژی بهێنن.
لەڕاگەیەندراوەكەدا ئاماژە بەوەدراوە، بلینكن جارێكی دیكە داوای لە هەموو لایەنەكان كرد گرژیی كەمبكەنەوە و كۆتایی بەو توندوتیژیە بهێنن كە گیانلەدەستدانی فەڵەستینی و ئیسرائیلیشی لێكەوتووەتەوە كە منداڵیشیان لەنێودایە.
چەند رۆژێكە شەڕ و پێكدادانی قورس لەنێوان ئیسرائیل و فەڵەستیندا دروستبۆتەوە و ئەوەش كاردانەوەی نێودەوڵەتی بەدوای خۆیدا هێناوە.
PM:04:37:12/05/2021
ئهم بابهته 4184
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت