ئەوقافی هەرێم یەكەم رۆژی جەژنی رەمەزان دیاری دەكات
وێستگە نیوز-
وا بڕیارە ئێوارەی رۆژی سێشەممە لیژنەی باڵای بینینی مانگ لەوەزارەتی ئەوقاف و كاروباری ئاینی بەمەبەستی دیاریكردنی یەكەم رۆژی جەژنی رەمەزان كۆببێتەوە.
نەبەز ئیسماعیل، وتەبێژی وەزارەتی ئەوقاف و كاروباری ئاینی حكومەتی هەرێم بەوێستگە نیوزی راگەیاند، ئێوارەی رۆژی سێشەممە لیژنەی باڵای بینینی مانگ لەگەڵ لیژنە لاوەكییەكان كۆدەبنەوە بۆ دیاریكردنی یەكەم رۆژی جەژنی رەمەزان و ئەو كاتە بڕیار دەدرێت چ رۆژێك جەژنە.
پێشتر ناوەندە فەلەكناسەكان چەند پێشبینییەكیان بۆ دیاریكردنی یەكەم رۆژی جەژنی رەمەزان بڵاوكردەوە لەوانەش رۆژی سێشەممە 11ی ئایار.
PM:02:27:08/05/2021
ئه‌م بابه‌ته 27732
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت