هاوپەیمانەكەی سودانی: مافی دەستوری خۆمانە حكومەتی داهاتوو پێكبهێنین

وێستگەنیوز-

هاوپەیمانی ئاوەدانكردنەوە و گەشەپێدان بە سەرۆكایەتی محەمەد شیاع سودانی دووپاتیدەكاتەوە، مافی دەستوری خۆیانە حكومەتی داهاتووی عێراق پێكبهێنن.

فیراس موسەلەماوی، وتەبێژی فەرمی هاوپەیمانی ئاوەدانكردنەوە و گەشەپێدان بە رۆژنامەی سەباحی راگەیاند، "پێكهێنانی حكومەتی داهاتوو لەلایەن ئێمەوە هەڵوێستێكی سیاسی نییە بەڵكو رەنگدانەوەی ئیرادەی دەنگدەرانە بۆ پڕۆگرامەكانی گەشەپێدان كە لەماوەی چەند ساڵی رابردوو ئێمە لە ئەستۆمان گرتووە و سەركەوتووبووينە".

دووپاتیشیكردەوە، "هەڵوێستی هاوپەیمانی ئاوەدانكردنەوە و گەشەپێدان لەبەرپرسیارێتی نیشتیمانییەوە سەرچاوەی گرتووە كە پێویستە ئەو پڕۆژە گەورانەی ئەم حكومەتەی ئێستا دەستیپێكردووە تەواو بكات، لەپێش هەموویانەوە پڕۆژەكانی ژێرخان و هەمەچەشنكردنی ئابوری نیشتیمانی و پەرەپێدانی كەرتەكانی وەبەرهێنان".

وتەبێژەكەی هاوپەیمانەكەی سودانی دەڵێت، "ئێمە رێز لە هەموو هێزە سیاسییەكان دەگرین و لەسەر بنەماكانی شەراكەت و هاوسەنگی مامەڵەیان لەگەڵ دەكەین، بەڵام سازش لە مافە دەستورییەكانی خۆمان ناكەین كە لە پڕۆسەی هەڵبژاردن بەدەستمان هێناوە و دەستبەرداریشی نابین، چونكە ئەوە ویستی جەماوەرە كە بەخشیوێتی بە هاوپەیمانی ئاوەدانكردنەوە و گەشەپێدان".

PM:04:47:02/12/2025

ئه‌م بابه‌ته 24 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت