وەزارەتی نەوتی عێراق وەجبەی یەکەمی غازی ماڵانی رەوانەی هەرێم کرد

وێستگەنیوز-

وەزارەتی سامانە سروشتییەکان، گەیشتنی یەکەمین کاروانی غازی ماڵانی (LPG) لە عێراقەوە بۆ هەرێمی کوردستان راگەیاند.

ئەمڕۆ شەممە 29ی تشرینی دووەمی 2025، وەزارەتی سامانە سروشتییەکانی هەرێمی کوردستان رایگەیاند، "یەکەمین کاروانی گازی ماڵان (LPG) لە وەزارەتی نەوتی فیدراڵەوە گەیشتە هەرێمی کوردستان".

ئاماژە بەوەکراوە، "ئەو گازە شلانە (LPG) کە بۆیان نێردراوە راستەوخۆ بەسەر کارەگانی گاز دابەشی دەکەن".

هاوکات وەزارەتەکە باسی لەوەکرد، کەمال محەمەد ساڵح، وەزیری سامانە سروشتییەکان (بە وەکالەت)، هەر لە دوای هێرشە تیرۆرستییەكەی سەر كێڵگەی كۆرمۆڕ، داوای 760 تۆن گازی لە وەزارەتی نەوتی فیدراڵ كرد، بۆ سەرجەم پارێزگا و ئیدارە سەربەخۆكانی هەرێم، تا ئەو كاتەی لە كێڵگەی كۆرمۆر دەست بە بەرهەمهێنانی گازی ماڵان دەكرێتەوە.

ئەوەشخراوەتەڕوو، "ئەم بڕە گازەش لەگەڵ ئەو گازەی لە كۆگاكانی وەزارەتی سامانە سروشتییەكاندا هەیە، بەشی پێداویستیی ناوخۆی هەرێمی کوردستان دەكات".

PM:08:39:29/11/2025

ئه‌م بابه‌ته 84 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت