خشته‌ی مووچه‌ی مانگی ئه‌یلول راگه‌یه‌ندرا
وێستگه‌نیوز –
وه‌زاره‌تی دارایی و ئابووری هه‌رێمی كوردستان خشته‌ی مووچه‌ی مانگی ئه‌یلولی راگه‌یاند كه له ماوه‌ی 3 رۆژدا مووچه دابه‌ش ده‌كرێت.
ئه‌مڕۆ شه‌ممه وه‌زاره‌تی دارایی هه‌رێم رایگه‌یاند كه سبه‌ی یه‌كشه‌ممه ڕێكه‌وتی (30ی تشرینی دووه‌می 2025) ده‌ست به‌دابه‌شكردنی مووچه‌ی مانگی ئه‌یلوولی فه‌رمانبه‌ران و مووچه‌خۆرانی هه‌رێمی كوردستان ده‌كرێت.
وه‌زاره‌ته‌كه ده‌ڵێت: "رۆژی سێشه‌ممه (2ی كانوونی یه‌كه‌می 2025) كۆتایی به‌دابه‌شكردنی مووچه دێت".
راشیگه‌یاند كه "به‌هۆی ئه‌وه‌ی وه‌رگرتنی پاره به‌شێوه‌ی كاش له‌لقی هه‌ولێری بانكی ناوه‌ندی عێراق ده‌كه‌وێته سبه‌ی له‌كاتی دوامی فه‌رمی و دواتر گواستنه‌وه‌ی پاره‌كه بۆ سه‌رجه‌م بانكه‌كان له‌پارێزگاو ئیداره سه‌ربه‌خۆكان، داوا له سه‌رجه‌م مووچه‌خۆران ده‌كه‌ین له‌دوای كاتژمێر یه‌كی نیوه‌ڕۆ سه‌ردانی بانكه‌كان بكه‌ن به‌مه‌به‌ستی وه‌رگرتنی مووچه‌كانیان به پێی خشته‌ی ڕاگه‌یه‌نراو".
PM:02:25:29/11/2025
ئه‌م بابه‌ته 144
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت