‌عادل ئیمام توشی ڤایرۆسی كۆرۆنا بووه‌؟

وێستگە ستایل-


سه‌رۆكی سه‌ندیكای هونه‌رمه‌ندان له‌ میسر هونه‌رمه‌ند" ئه‌شره‌ف زه‌كی" ڕاستی ئه‌و ده‌نگۆیانه‌ی‌ ئاشكرا كرد كه‌ ماوه‌ی‌ چه‌ند ڕۆژێكه‌ باس له‌ توشبوونی هونه‌رمه‌ندی ناوداری میسری" عادل ئیمام " به‌ ڤایرۆسی كۆرۆنا ده‌كه‌ن.

ئه‌شره‌ف زه‌كی ئاشكرای كردوه‌ ئه‌و هه‌واڵانه‌ی‌ له‌سه‌ر خراپی دۆخی ته‌ندروستی و توشبوونی هونه‌رمه‌ند عادل ئیمام به‌ په‌تای كۆرۆنا دوره‌ له‌ ڕاستیه‌وه‌ و ئه‌وه‌ی‌ ده‌وترێت ته‌نها پڕوپاگه‌نده‌یه‌.

له‌ چه‌ند كاتژمێری ڕابردوو چه‌ندن پێگه‌ و په‌یج له‌ تۆڕه‌ كۆمه‌ڵایه‌تیه‌كان هه‌واڵی توشبوونی عادل ئیمام ان به‌ ڤایرۆسی كۆرۆنا بڵاوكرده‌وه‌ و باسیان له‌وه‌ كردوه‌ ته‌ندروستی ئه‌م هونه‌رمه‌نده‌ ئه‌وه‌نده‌ خراپه‌ گه‌یشتۆته‌ قۆناغی به‌كارهێنانی ئامێری هه‌ناسه‌دانی ده‌ستكرد.

هه‌واڵی ناڕاست و پڕوپاگه‌نده‌ی‌ هه‌مه‌چه‌شن به‌رده‌وام له‌سه‌ر هونه‌رمه‌ندان له‌ جیهاندا بڵاوده‌كرێته‌وه‌  مه‌به‌ست لێی زیاد كردنی ژماره‌ی‌ خوێنه‌ر و بینه‌ری سایته‌كانه‌.


PM:03:51:03/03/2021


ئه‌م بابه‌ته 1660 جار خوێنراوه‌ته‌وه‌‌

ستایل