زۆرینه‌ی‌ دانیشتوانی جیهان له‌ ئێستادا به‌ ناچاری و بۆ خۆپاراستن له‌ ڤایرۆسی كۆرۆنا ده‌مامك بكارده‌هێنن، به‌م دواییانه‌ جۆرێك ده‌مامك به‌رهه‌مهێندراوه‌ كه‌ ڤایرۆسی كۆرۆنا و ئه‌نفلۆنزا له‌ناو ده‌بات كاتێك ڤایرۆسه‌كه‌ بكه‌وێته‌ سه‌ری.

به‌گوێره‌ی‌ ئه‌و هه‌واڵه‌ی‌ پێگه‌ی‌"میرۆر" بڵاوی كردۆته‌وه‌ تیایدا هاتووه‌، ئه‌م ده‌مامكه‌ نوێیه‌ له‌لایه‌ن زانكۆی نۆتنگهام به‌رهه‌مهێندراوه‌ و مانگی 12 ی ئه‌مساڵ به‌رده‌ست ده‌بێت و ده‌مامكی ئاسایی له‌ سێ چین دروستكراوه‌ به‌ڵام ئه‌م ده‌مامكه‌ له‌ پێنج چین دروستكراوه‌ و چینێكی دژه‌ ڤایرۆس له‌ چینی مس دروستكراوه‌ و هه‌رئه‌وه‌نده‌ ڤایرۆس بكه‌وێته‌ سه‌ری ئه‌وه‌ ڤایرۆسه‌كه‌ له‌ناوده‌چێت و له‌گه‌شه‌كردن ده‌وه‌ستێت.