‌ئایا لە هەولێر دەرمان و ڤاکسینی کۆرۆنا دۆزراوەتەوە؟

وێستگە ستایل-

 دروستکردنی هەر دەرمانێک لە کوردستان مایەی دڵخۆشی و جێگای دەستخۆشییە، ئەوەی لە هەولێر بەرهەمهێنراوە، دەرمانێک نییە تازە دۆزرابیتەوە، یان وەکو هەندێک سایت و پەیج وەکوو ڤاکسین پێناسەی دەکەن، لە راستیدا نە ڤاکسینە و نە هێشتاش وەکو چارەسەرێکی زۆر دڵخۆشکەری کۆرۆنا ناسێنراوە

 ئەوەی دروستکراوە حەبێکە بەناوی (فاڤیپیراڤیر)،  ئەم دەرمانە ساڵی ٢٠١٤ ژاپۆن وەکو چارەسەری ئەنفلۆنزا پەسەندی کرد و  هەر ئەو سالە بۆ چارەسەری ئیبۆلا بەکارهێنرا لە ئەفریقا و هەندێک کاریگەری هەبووو  لە کۆتایی ساڵی رابردوو چین وەکو چارەسەری کۆرۆنا تاقیکردەوە و دواتر ڕوسیا و دوای ئەویش تورکیا.

لە کوردستانیش لە مانگەکانی پێشوو بۆ چەند نەخۆشێکی کۆرۆنا بەکارهێنرا، دەکرێت هەندێ کاریگەریی سنوورداری هەبێت، بەڵام شتێکی زۆر گەورە و دڵخۆشکەریش نییە، هێشتا توێژینەوە گەورەکان سەبارەت بەم دەرمانە تەواو نەبوون و دوور نییە ئەمیش وەکوو هایدرۆکسی کلۆرۆکوینی لێبێت، بەڵام ئەگەریشی هەیە پەسەند بکرێت.

 ئومێدی ساختە بۆ خەڵک دروستمەکەن، فاڤیپیراڤیر ئەگەر کاریگەریشی هەبێت، کاریگەرییەکی سنوردارە.

ئا:  د. سەروەر سالار چوچانی


PM:03:50:08/07/2020


ئه‌م بابه‌ته 5576 جار خوێنراوه‌ته‌وه‌‌

ستایل