به‌ شێوه‌یه‌كی نزیككراوه‌ ئێستا ژیان كردن بێ ئامێره‌ ته‌كنه‌لۆژیه‌كان و مۆبایله‌ زیره‌كه‌كان كه‌مێك كێشه‌یه‌ و شه‌حن كردنه‌وه‌ی‌ مۆبایلیش له‌ ده‌ره‌وه‌ی‌ ماڵ و به‌ كێبڵی شوێنه‌ گشتیه‌كان گرفتێكی گه‌وره‌یه‌.

شاره‌زایانی بواری ته‌كنیك و ته‌كنه‌لۆژیا هۆشداری له‌ به‌كارهێنانی كێبڵی بارگاوی كردنه‌وه‌ی‌ مۆبایل "USB " شوێنه‌ گشتیه‌كان ده‌ده‌ن و باس له‌وه‌ ده‌كه‌ن مه‌ترسیه‌كی گه‌وره‌یه‌ و ده‌كرێت له‌ڕێیه‌وه‌ پرۆگرامی مه‌ترسیدار بۆ مۆبایله‌كه‌ت بگوازرێته‌وه‌ و هاككه‌ره‌كان به‌ دانانی كێبڵی شه‌حن كردنه‌وه‌ له‌ شوێنه‌ گشتیه‌كان سوود له‌م فێڵه‌ وه‌رده‌گرن بۆ هاككردنی مۆبایلی ئه‌و كه‌سانه‌ی‌ به‌كاریده‌هێنن و پاسۆرد و فایلی تایبه‌تی ناو مۆبایله‌ ده‌ده‌زن یان ده‌یكه‌نه‌ سه‌نته‌رێك بۆ بڵاوكردنه‌وه‌ی‌ ڤایرۆسی مه‌ترسیدار بۆ ناو مۆبایل.

بۆ ئه‌وه‌ی‌ له‌م كێشه‌یه‌ دوور بیت باشتر وایه‌ شه‌حنێك یان پاوه‌ر بانكێك له‌ناو جانتاكه‌تدا بێت بۆ ئه‌وه‌ی‌ له‌ هاككردن پارێزراو بیت.